劉浩龍一日6餐完全任食　靠一個秘訣練成出鋼條身形

劉浩龍（師兄）4月份演唱會的時候靠一身鋼條身型名震天下，當時的他由180磅減到146磅實在是令人佩服兼拍爛手掌。那邊廂剛脫離地獄特訓不足半年時間，現在師兄又要投入另一場「戰鬥」之中。師兄今日（8月30日）出席《星光熠熠耀保良》記者會時接受《香港01》訪問，他表示為了即將推出的新歌以及健康雜誌封面，又要繼續特訓操肌。「新歌好開心邀請到林海峰題詞，就係叫《阿龍理髮》。」師兄更透露到時會用實景到一間上海理髮店拍攝。

當然，聽到師兄要為拍MV操肌以為可以大飽眼福之際，這次師兄可能就要令大家失望。「冇㗎，呢個係著好多衫。其實我唔係成日除衫㗎，大家誤會咗啦。即係我平時影下Cover，同上次劉翁邀請我影之外，我係好密實㗎。」問到如何操Fit時，師兄就直言自己完全沒有戒口的食。我教練係叫我食好多嘢，我到宜家一日食6餐，只要我每日做夠2個鐘就食到好多好嘢，所以嘢我都唔使介，鹽吖油吖都冇介過。（狂食？）狂食！我肚餓就食㗎啦，例如牛排、雞胸、蛋白、海鮮，但係每日只準食碗半飯，我會喺做完運動之後食。同埋每日臨瞓前都會焗條三文魚食。（一餐食幾多肉？）我想食幾多就幾多，任食嘅。」除了飲食，其實師兄每日都會保持重訓一小時以及跑45分鐘的訓練。「有時做完嘢凌晨都會做（健身）。」