溫碧霞17年後再扮妲己　露膊裝妖惑紂王令人念念不忘

過去唔少女星都扮演過「妲己」一角，就好似林心如﹑范冰冰﹑張馨予…不過講到最令人難以忘記的就非溫碧霞莫屬，17年前在電視劇《封神榜》的表現令人留下深刻印象，嗰種妖艷得嚟又心計重的氣質，絕對無人能及，難怪她被封為「永遠的妲己」喇！

17年過去温碧霞仍然美麗動人，就在近日她又再次穿起妲己的服裝，上貼社交網站：「猜猜我這次演的是甚麼角色。」好明顯就係飾演妲己喇，令唔少網友驚艷她要回歸，舊有的兒時回憶一次過返晒嚟「我最愛的妲己啊」﹑「心目中永遠的女神妲己」…同當年完全一模一樣。當年《封神榜》熱潮漫延兩岸三地，其中妲己温碧霞一角令人恨之入骨，一身露膊裝賣弄性感，妖惑紂王（鄭子誠飾）興建酒池肉林，又煽動紂王殺害忠臣特別是取比干（魯振順飾）的七竅玲瓏心一幕，睇到電視友恨不得殺死妲己，種種的劇情令人睇到咬牙切齒，最後她被姜子牙處死就真係令人睇到興奮不已。

多年過去大家只要一講到「妲己」就想起她，想不到至今52歲的她再扮返妲己一點違和感都冇，同樣梳起妲己裝同樣玩露膊，仍然姿色妖豔過人獲得一片讚賞，重燃大家埋藏已久的回憶，絕對是「最靚妲己」。