溫碧霞分居4個月突然復合 老公赴美箍煲賀妻生日
撰文：何志衡
出版：更新：
昨日51歲生日嘅溫碧霞，早幾日就去咗美國旅行，並喺微博透露：「一段婚姻關係的變化不一定代表二人的感情破裂……多謝大家關心。」而連日來都只見到佢一個人嘅照片，好似呢個生日好孤單咁。
但原來佢老公何祖光喺佢生日當日已經飛咗去美國箍煲，Irene喺微博貼咗好多相片，見到何祖光同養子一齊陪佢切蛋糕，仲有幾張3人全家福添！Irene笑容滿面終於開心番晒，佢留言同老公講：「謝謝你這些日子裡帶給我的快樂和幸福，我們一起笑過哭過以後，原來愛已經成為了我的習慣，Ps謝謝你包容我的一切任性和自我，love u always」終於雨過天清，呢個應該係Irene最好嘅生日禮物喇！