【BB來了】徐榮新手爸爸唔易做：仔仔怨我點解對佢咁嚴
撰文：吳子生
出版：更新：
TVB劇集《BB來了》除了黎諾懿、李佳芯外，劇中飾演黎諾懿大哥的徐榮，今次演失婚男人亦有突破性演出，但眾所週知，現實中旳他有個完滿家庭，有一仔一女，不過徐榮表示自己教導仔女時都遇過不少問題，他接受《香港01》訪問時，說：「記得當年做新手爸爸嘅時候，囝囝嗰陣時得兩三歲，小朋友喺理解能力方面有限，如果佢哋唔聽話嘅時候，我會語氣重小小，同用眼神去「厲」住佢，令佢明白到有啲野喺唔可以做，記得我個仔細個嘅時候曾經有怨言過我，問我：「你點解咁惡對我呢？」
近呢一兩年令佢明白到呢件事，就係佢妹妹依家只得兩歲，都會係屋企周圍擒高擒低，我就叫個仔，你試吓用你自己方法教妹妹，睇下妹妹明唔明白?之後佢返嚟同我講：「爹哋你講得啱。」明白我點解咁嚴厲對佢。
慈父徐榮與囝囝感情深厚，囝囝日漸長大明白父親對他的嚴厲源自於愛，早前兩父子一同亮相綜藝節目，徐榮提及囝囝在小時候因扭計，自己快語話：「你再扭計，我唔再理你啦。」當時年紀小的兒子童言無忌說：「你唔理我，到你老左我，都唔會理你。」當時兒子說完這番話，自覺傷了爸爸的心，即場放聲痛哭。徐榮表示自己從來沒有放在心上，從來沒有唔開心，作為父母親，都希望自己仔女健康快樂成長，無論發生任何事，爸爸媽媽永遠都係仔女嘅避風塘，永遠都咁愛佢哋。」
【BB來了】點解劇本咁貼地窩心？ 全靠監製編劇堅持六個「不」