【書展2018】楊思琦重提「人生馬戲團」遇襲內幕：當時我淨係識震
相信今年寫真界最令人矚目的事是港姐冠軍出身的楊思琦推出首本寫真集，而今日（18日）書展正式開鑼，思琦妹亦有到攤位宣傳新書，更引來數十名龍友爭住影相，場面相當墟冚，又有過百人排隊等買書，正式開售5分鐘便立即截龍，非常誇張。據知，出版商已印了10000冊寫真集，但因為反應太過熱烈，所以好大機會會加印。不過，銷量再勁也不及書中講到的內容令人震撼。
【書展2018】松岡李那投訴經理人抽起性感靚相：我會網上公開！
憶述廣州遇襲經過：拖鞋甩掉都不能回頭！
思琦妹除了在書中講自己與大美人李嘉欣有親戚關係，對方是她姑媽的姨甥女外，更親揭13年前的「人生馬戲團」事件，直指該次經歷是「最接近死亡的一次」：「05年8月，我正在廣州拍攝《人生馬戲團》，生日當晚劇組還幫我舉行生日會，平常收工後只會躲在房間背稿的我和大家一起到卡啦OK慶祝，整件事都好窩心！」
誰不知慶祝完離開卡啦OK時，一班人在對面馬路的客貨車中拉開門衝出來，而且每個人手上都拿着武器：「我不知道發生甚麼事，那一刻我只知道要逃亡，馬上便和Linda（鍾嘉欣）一齊走，就算中途拖鞋甩掉都不能回頭，我因為跑慢一步都會被捉到，真係好似拍戲，我知道如果被人捉到我一定『渣都冇』，其實我已經無力再跑，因為腳軟，全靠Linda死拉住我，後來見到草叢就一齊跳進去。」
思琦妹在文中將自己的驚慌、恐懼全部寫出來：「我們在草叢底望出去，見到對方由遠到近的影子和腳步，親眼見到那群兇巴巴的人……當時只懂一邊震，雙手掩口，一粒聲都不敢發出，我以為自己會死。最少躲了半小時，那是我人生最漫長的半小時，我在倒數人生……」她直指自己終於明白人到了最驚恐的時候，腦袋會完全空白，難以呼吸，而自己到現時聽到客貨車開門聲都煞有介事，亦不敢着拖鞋外出。
出寫真感興奮：真係有啲瞓唔着！
雖然書中內容非常震撼，但其實思琦妹今日心情勁靚，而下月即踏入40大關的她，就算與今日同樣有份到場谷書的模特兒比較，也絕不輸蝕，非常犀利。她亦以新形象示人，一剪留了多年的長髮，只留下及肩長度，清爽迷人。思琦妹接受《香港01》訪問時，坦言心情因出書而興奮：「尋晚真係有啲瞓唔着，開頭兩三晚都冇乜嘢，但到尋晚就開始嚟料！」提到另一位推出寫真集的女星松岡李那，指思琦妹是今年「寫真戰」中最索的一個，思琦妹感謝對方讚賞：「但我唔覺得自己最靚，每個女仔都有唔同嘅美態，佢哋身形好靚，樣子標緻，所以佢咁讚我我好開心！」
6歲囡囡讚靚女 拒絕推出母女寫真
記者讚思琦妹無論真人還是上鏡都Fit過好多人，問有何秘訣？她即笑謂：「可能係我平時食嘢食得比較慢，容易知飽，食得快就食多咗都唔知，可能長久以來都係咁，令我個人冇咁吸收。（影相前唔使地獄式減肥？）都係做下伸展、拉筋，平時都係喺屋企踢下腿咁，希望遲下會做多啲帶氧運動。」
問6歲囡囡是否已經先睹為快？思琦妹坦言囡囡仍未揭過寫真集實物：「但佢望過幾張相，佢話『媽媽你影得好靚』、『媽媽我哋一齊Selfie』。（會唔會想出母女寫真？）唔會喇，反而係想去Studio影返啲生活照，對上一次已經係一兩年前，要把握時間，因為小朋友大得好快。」又謂自己最近在內地拍完電影《田園時代》，一方面又要宣傳寫真，另一方面要為香港電台拍手語題材劇集。