【書展2018】張沛樂趙詠瑤首度出寫真：希望大家知呢本係旅遊書

趙詠瑤（Kimi）與張沛樂（沙律）今年以閨蜜身份推出《閨蜜遊記》雙封面寫真，兩人孖公仔去台灣，一邊旅行一邊拍寫真。為何會想到用「閨蜜」和「旅遊」做主打？「因為生活上有唔少閨蜜去完旅行後會鬧交，所以我地想借呢次機會考驗下我地嘅友情，睇下我地係咪真閨蜜。」Kimi表示沙律這次是第一次出寫真，她亦謂兩人不單止去完旅行沒有吵架，連出完書後都無，是真．閨蜜！

既然是旅遊主題，當然唔少得到台灣各個打卡熱點取景，兩位靚女在書中也有不少穿着民族服飾的造型，配合台灣的自然景色。坊間寫真大多以性感相片吸銷量，Kimi和沙律單靠靚景會不會不夠人揮？「其實我地如果要性感係可以好性感嘅！今次都有全裸同泳衣造型，仲有絕密即影即有相，不過就唔會佔好多篇幅，始終想以旅遊景色為主。」

Kimi和沙律情同姊妹，但沙律卻投訴Kimi經常捉弄她，更話Kimi好「變態」：「佢成日話我胸前面有污糟野，然後扮晒嘢咁揩落黎！」Kimi聞言大笑，指她們去日本浸溫泉時，她一看到沙律就會尖叫「好期待啊！好期待啊！」，又開玩笑說沙律胸比屁股大。沙律面對好閨蜜諸般「攻擊」，亦只能無奈地說「佢好變態」！