【書展2018】松岡李那投訴經理人抽起性感靚相：我會網上公開！

日模松岡李那（Linah）以性感低胸打扮，去到灣仔會展舉行的「香港書展2018」，宣傳其最新寫真集，其前組合Girls Kingdom隊友久保杏奈亦有到場支持，又有粉絲一口氣掃走50本寫真集，認真闊綽。

Linah接受《香港01》訪問時坦言朝早派飲料予排隊書迷時好眼瞓，但現在則好精神：「好緊張！」提到攤位有售其他寫真集，問她是否覺得自己最靚，她即指住楊思琦的海報：「佢今年40歲？好厲害！佢睇落好似得33、34歲！」

提到寫真集的最大賣點，Linah笑說：「賣點係真嘅我，可以睇到真嘅松岡李那，希望大家鍾意我嘅寫真。」至於製作寫真集時的趣事，她指竟然有一張相被禁：「本書我畀咗好多意見，有一張相我係用手嚟當胸圍遮住心口，我好鍾意張相，但我揭嚟揭去本書都搵唔到張相，我問經理人點解，佢就話張相太性感，唔出得。不過，我可能會將張相放上Instagram。」問會否送書給緋聞男友周焯華，她說：「我最近冇見佢，所以未畀到佢，但我都會送書畀其他朋友。」