歐陽巧瑩賣比堅尼 林師傑唔怕被睇蝕：趁有本錢就要博！
撰文：黃欣華
出版：更新：
林師傑今日（17日）以一身型格偵探造型現身為明珠台全新偵探美劇《直覺追兇》宣傳。最近忙著拍攝新劇《十八年後的殺人告白》嘅師傑就透露今次嘅劇情好沉重，幾乎場場戲都有意外發生。師傑稱：「日日都有人死，唔係佢死就兄弟死，唔係兄弟死就係啲老婆死，阿媽死，女朋友又有木機會死，又懷疑自己會唔會死，所以會有好多內心戲，演繹起上嚟會複雜啲。」
本身拍劇經驗較少嘅師傑為咗角色都下咗唔少苦功：「今次角色比較難拿捏，但我會好努力學。今次嘅對手都好勁，會趁機偷師。」佢更透露8月將會有兩部新劇推出，分別是《愛情沒有來的時候》和《特技人》。
【3日2夜】歐陽巧瑩同翻版袁偉豪遊帛琉：我老公 (林師傑) 先最正
對於未婚妻歐陽巧瑩最近推出自家水著，佢笑謂：「我都係睇IG先知，呢個女仔咁索嘅，邊個嚟？咦！我老婆喎，開店賣比堅尼？係咪又要推幾十萬出嚟打本呢？」
雖然師傑有點擔心，但仍然十分支持Tammy，並表示：「佢好鍾意做生意，好有呢方面頭腦。（佢自己做生招牌怕唔怕被睇蝕晒？）趁有本錢就博多啲啦，我哋嘅心態都係趁後生能夠做嘅時候就做多啲，博得盡啲。而且最緊要係影出嚟嘅相有美感，我都自薦做攝影師，想攞正牌影靚女，雖則嗰個係老婆，但都靚。」