林師傑原來係足球豬隊友 ：我就係成日問白痴問題嗰個

今日(7日)，林師傑偕同Ali 李佳芯一同出席「決戰荷里活—— 俄羅斯足球狂熱」啟動禮，和Ali分別化身守門員及前鋒，大展球技。談及對足球的認識，Auston坦言自己並非足球狂迷，但朋友之間聚會時就會一齊睇波，「一大班friends氣氛好d。(有冇朋友問皇馬係咩國家？) 其實我自己就係嗰個白痴朋友，成日問人咩係越位，點解頭先踢緊右邊而家又轉踢左邊。」

Auston笑言自己有限的足球知識來自打機，但和朋友聊起時卻礙於中英譯名不同：「我打機睇慣英文，但同friend講開要轉做中文，有時中譯名會有唔同版本。」世界盃開鑼在即，未知Auston有冇心水？「我仲睇緊NBA決賽，未有時間了解下足球嘅情況。」