【深宮計】陸詩韻宋王妃之死：簡直可惜，戲份可以多啲

過往出席活動，陸詩韻都會畀驚喜大家，但今晚（31日）詩韻出席酒會活動，就著得較為保守，詩韻笑言：「其實著潛水衣都可以好性感⋯哈哈！著性感啲，要留畀啲後生嘅，我哋呢啲露下背、露下隻腳就ok嘅。」

陸詩韻憑《深宮計》「宋王妃」一角，令觀眾留下深刻印象，劇中宋王妃好霸道又快死，詩韻笑言：「覺得自己在戲中咁快死，簡直係可惜，戲份應該可多返啲，依加街上啲人見到我，連小朋友都叫我做宋王妃，但佢地並唔係討厭我，唔係覺得我好霸氣，原來詩韻姐姐你識演戲㗎，可能我本身好少演戲，所以佢哋話可唔可以多啲戲份。」

此外，詩韻近日接洽多套內地古裝劇，故事內容講述自己穿越時空，由古代去到現代，飾演一名歌妓的她，到最後都要死。多咗咁多演戲機會，會唔會加片酬？
詩韻坦言：「唔敢諗酬勞，因為我覺得係一個機會，今次有份演出咁大嘅劇集，知道好多人想參與，而自己能夠置身在劇中，我感到非常榮幸。」