劉浩龍開騷自嘲似《流行經典50年》 發誓唔再做佛系歌手
師兄劉浩龍《Action Speaks Lauder Concert 2018》昨夜(27/4)於旺角麥花臣場館完滿結束。不知是師兄首首也是金曲，還是歌單選擇得精彩，入場觀眾也許會發現，音樂會中首首歌曲也識得唱，每首也說得上是大熱作品。除了《思覺失調》、《神啊!求求讓我睡》、《94340634》外，當然也少不得《二等天使》、《火花不等人》、《滄海遺珠》、《記得》等等，每次響起前奏，樂迷已識得拍手歡呼。
介紹樂隊時，為師兄當和音的原來是李拾壹，他更即場與大家分享了一個故事:「有一次喺機場Check in，Counter個姐姐話我個喼過重，唔寄得。我即場就掉哂入面啲嘢，比個空喼佢，無理由唔寄得啦。Counter個姐姐答我:應該...寄得(記得)....寄得寄得(記得記得)。」一個簡單的食字Gag，令全場捧腹大笑，也剛好為師兄tag歌。
除了個人作品外，師兄也翻唱了好幾首他人的歌曲，包括《風箏》、《Better Man》、《今生不再》。不過數到最好反應，當然也是《記得》、《斷尾》、《二等天使》、《緋聞男友》等，全場大合唱的好氣氛令師兄也不禁笑言:「係咪好似《流行經典50年》呢?」
輕鬆過後，師兄也有深情的時候:「可能大家之前會睇到啲報導，話我唔想再唱歌。係真嘅，公司叫我開演唱會，我都有諗過其實為咩呢?當個興趣都唔喺度嘅時候，甚至試過唱歌都有啲吃力。開始籌備演唱會、減肥呢3個月以嚟，其實我都無乜大感覺，因為我未上舞台見到你哋。直至呢一刻，我應承大家我唔會再做一個佛系歌手，我會努力爭取下次再同大家見面!」
尤其樂迷的熱情，音樂會一直到11時許才正式完結。後台訪問時，師兄對有關祖兒的問題一直避而不談，不過其實也不需解釋太多，單從祖兒出席撐場，大家也心裡有數，還是留一點空間給他們較好。反而提起做新歌，師兄表示如果要做一首合唱歌，應該會找許志安和薛凱琪合作，皆因男女男的「嬲」組合好玩之餘，三位也是獅子座，必定會擦出很多火花。