【專訪】劉浩龍轉戰電影因為有安全感：唱完首歌連少少回報都無

歌手劉浩龍（師兄）自2016推出EP《Change Your Life》後未有再出碟。雖然未有新專輯，其實他依然有默默出歌，只不過大家未必知。對於在音樂上的關注度比以前低，劉浩龍認為被時代巨輪淘汰「其實我覺得依家年代唔同，我屬於之前嘅年代」，他又表示「年輕人喺KKBOX見到我個名都唔會撳入去」。不過，師兄的確唱過很多集體回憶的歌曲，並將於4月假旺角麥花臣場館開騷。
攝影：黃國立
Stylish：Charles Wong
Jacket：Kent & Curwen
Knitwear：Diesel Black Gold
場地：The Stadium

歌手劉浩龍（師兄）自從在前公司（東亞唱片）開始主力拍電影，慢慢由一位唱片為先的歌手，變為以拍戲為先。也是因為要過掛著演員這一身份，就算有新歌推出，可能都要先考慮到電影的工作，才可抽時間為新歌作宣傳。可能你會想，師兄就算拍戲，都並不是什麼男一角色。但對於堅持著音樂夢的他，就算電影未能令他名成利就，卻有生活的安全感「電影帶俾我安全感，因為有安穩嘅工作，如果我只做歌手我諗我會好痛苦。如果一首歌出到嚟較果唔好，我嘅生活會好難過。」

為過安穩的生活，電影似乎是不錯的選擇，而且也為師兄找來在歌唱事業得不到的滿足感：「其實我當初拍戲都係因為前公司安排，其實初初拍嘅時候都唔知自己做緊乜，直至拍《飛砂風中轉》後先開始越來越鍾意拍戲。其實都幾好，拍戲改變我工作態度。我上年有段時間喺馬來西亞拍戲，當時我真係好開心。我開心程度係只要見到拍攝機器我都會開心，但同時我諗，點解我唱歌冇呢種喜悅。我當時覺得唱完一首歌連少少回報都無，所以的確有諗過唔再唱歌。」

相信大家在K房都唱過《思覺失調》、《火花不等人》、《二等天使》、《滄海遺珠》等等作品，絕對是大家的集體回憶。(黃國立攝)

雖然師兄近年的音樂作品未有得到廣泛認同，但他的確曾經有多首大熱之作，對於在歌壇上走勢不如以往，師兄認為與時代巨輪有關：「我覺得依家年代唔同，我屬於之前嘅年代，曲風上當然唔同依家哩一輩。現今嘅唱歌好多時都要偏高音，好多歌唱上都用上後期製作。而自己嘅唱歌方式都比較男性感情一啲，做唔到現今哩種高技巧唱法。依家嘅年代好難做唱一首歌要全香港人都鍾意，因為樂迷有太多選擇。以前只係由四個媒體（港台、商台、新城及TVB）去支持一首歌，但依家多咗不同渠道。佢哋唔需要再依賴媒體接觸新歌，反而佢哋可以下載一個app去選擇自己鍾意聽嘅歌。所以我只可以做嘅就係做好自己。」

他續說：「我2004年出道成為歌手，不知不覺間已經14年，對於依家讀緊書嘅學生我推出《思覺失調》嘅時候可能只得1歲2歲，依家就算佢哋喺KKBOX見到劉浩龍有歌唔撳入去。」