【學是學非】晚飯時間講便便 馮盈盈：不如放去《後生仔傾吓偈》
《學是學非》不止娛樂性豐富，幾位是非精不時都會帶給觀眾生活小百科，一句到尾，睇節目長知識。近日節目內容竟然講到跟普羅大眾最貼身的問題，就是排泄物的形狀，跟健康狀況息息相關。幾位是非精馮盈盈、麥美恩、梁嘉琪，在節目中要用泥膠製作自己排泄物的形狀，在食飯時間播出難免有點核突，馮盈盈接受訪問時笑說：「可以放去夜少少，或者放落《後生仔傾吓偈》」。
該集節目雖然講排泄物，表達方式卻十分搞笑，講到馮盈盈、麥美恩、梁嘉琪三人去完洗手間，要搵出誰人便便不健康。節目請來浸會大學生物系講師余英傑博士講解，先要三人各自用泥膠搓出便便的形狀，之後發現嘉琪的條狀最健康，盈盈的一粒粒代表平時飲食習慣多肉少菜，而美恩更搞笑地直接取出一碟咖喱，當然是肚瀉狀態啦。節目中還用貓咪和兔仔的便便進行測試，發現雜食性的貓咪和草食性兔仔，便便狀況也有不同。節目其實資訊和娛樂兼備，最為人垢病是節目在晚上8時的晚飯時間播出，介紹便更又繪影繪聲，始終有點嘔心感覺。
馮盈盈接受《香港01》訪問，對於《學是學非》出現排泄物相關內容，她表示：「對於我一啲尷尬都冇，首先我係食物及營養學出身，都會研究人類嘅消化系統、排泄物，反映我哋嘅健康狀況。我哋話晒係資訊節目，用科學角度去探討，改善飲食習慣，同埋建康上面嘅知識，我一路答你都一路…，人人日日都會去洗手間啦，從日常生活去搵出一些科學嘅啟發，糞便裡面有好多知識同道理。咁播出時間都可以商榷一下，可能大家夜咗食飯，如果細心留意一下，我哋只會用唔唔、便便嚟代替，下次如果再探討呢類內容，可以放去夜少少，或者放落《後生仔傾吓偈》，依家先係入門版，其實我哋啲writer都好辛苦，將人體由頭諗到落肛門，看似簡單嘅嘢都俾佢哋諗到研究價值，應該大力讚賞。」馮盈盈讀營養學當然不抗拒便便研究，只要留意播出時間，相信這只是一點小瑕疵。
相關文章：
【後生仔傾吓偈】偽ABC偽文青當道 馮盈盈嘆MK仔女變稀有動物