【逆緣】林夏薇兩星期學識日文　日練12小時：日日插住耳機聽

林夏薇在《逆緣》中飾演中日混血兒「Aki」。因劇中經常需要講日文而被觀眾關注，昨日林夏薇與劇中演員一同飯敍時接受《香港01》訪問，林夏薇説：「其實有幾集都要講日文，不過噚日嗰集都算好多。不過之後就會少啲，因為日本老豆（林夏薇在劇中的養父）走咗。」

林夏薇坦言，她是不懂日語的，又因為劇本需要，所以就要極速學日文：「監製真係想我講多啲日文。因為個角色係傳統日本家庭長大，同埋又可以畀觀眾睇到一個全新嘅夏薇。我只係學咗兩個禮拜。（只係學對白？）唔係。因為嗰時未有劇本，所以我就搵咗個老師由頭開始學起。我上堂可能冇上足兩個禮拜，其實總共上左5，6堂，之後就係日日插住個耳機聽。」

林夏薇表示，為了做好個角色，每日喪練12小時日文：「我邊度都會講，不停講，屋企瞓醒又講，瞓覺瞌埋眼又喺個腦入面溫習。因為做日本人一定要講日文講得好純熟，拍劇嘅時候真係冇時間練習。人哋要背對白，自己就仲要背埋日文對白。」平心而論，雖然林夏薇在劇中講的日文稱不上十分流利，但以兩星期學習日文的時間來說，算係咁喇。