【合久必分】姚子羚鄭子邦3年情盡 甜蜜互動成追憶
撰文:洪曉璇
出版:更新:
早兩日先傳出黃智雯婚期延遲,估唔到今日就有報道指胡說八道會另一成員姚子羚,同拍拖3年嘅鄭子邦情盡於上月分手,令人嘩然。佢地拍拖以來,Elaine不時出席鄭子邦友人圈子聚會,仲有傳佢早已搬入男方豪宅同居,加上好姐妹胡杏兒暗示今年有「胡說八道會」姊妹好事近,大家都以為好快可以叫Elaine做鄭太,估唔到會由婚訊變分訊。
姚子羚情路好坎坷 承認已分手:這是我們共同的決定【胡說八道真情假期】姚子羚同男友蜜遊 李施嬅死跟:無人同我去【同盟】姚子羚真實的愛情世界跌過痛過 感恩現在覓得理想男朋友
Elaine同鄭子邦曾於去年6月孖住出席公開活動,更於訪問中向香港01記者表示:「男友仍未求婚,加上大家都很忙,但會朝着結婚的方向進發。」去年12月Elaine喺馬來西亞勇奪「最喜愛TVB女配角」時,於台上公開多謝男友鄭子邦。加上喺去年播出嘅節目《胡說八道真情假期》中,胡杏兒等一班姐妹夾計,戴上鄭子邦面具向Elaine求婚兼行禮,雖然擺明搞笑但Elaine笑得相當甜蜜。
估唔到呢場大龍鳳雖然只係節目橋段,但有指亦成為分手導火線之一。佢地近兩年不停被催婚,令鄭子邦感到有壓力。Elaine已經37歲加上見到好姐妹杏兒結婚生子,一家三口樂也融融,萌生成家念頭,可惜男方未想定落嚟,消息指二人上月攤牌後正式分手。
+7