【誇世代】由毒男變大台小生　坤哥：我唔改變點喺呢行生存

你的樣子如何，你的日子也必如何，就以吳業坤（坤哥）來說，實在是香港宅男的學習榜樣。7年之內就由《超級巨聲2》第五名（其實之前仲參加咗亞洲亞洲嘅《星光大道》，不過唔入圍），努力到2017年的TVB劇《誇世代》，成為男主角之一。但是這幾年，坤哥已經與「偽毒」這個名詞脫不開關係（或者「偽毒」根本上就是專為他而設的名詞）但是吳業坤本人又點睇這個定位呢？

吳業坤（坤哥）接受《香港01》專訪。他表示：「一開始認識我嘅人，好可能因為我嘅歌而喜歡我。但同時唔鍾意我嘅人可能會出現，因為網絡世界嘛。留個言冇乜問題㗎嘛，唔使錢㗎嘛，所以咪會有啲聲音出咗嚟囉。而且啲人唔會記得吳業坤做過咩好事。佢淨係會記得吳業坤有幾衰，同埋做過咩唔好。大家永遠都係留意一啲唔好嘅嘢。呢個係一個現象。咁咪會有好多嘅haters，但係我會諗返，仲有一班人係好支持我嘅。」

【誇世代】結局篇由膠劇變神劇　陳豪：未試過大結局變得咁緊要
【誇世代】七小姐終可同Walking一齊？　身份三重變最後竟然……

「見低就捧，見高就踩」

「見低就捧，見高就踩」，好像已經成為現時網絡上的生態。當坤哥經歷低潮的時候，就會有歡聲「捧佢上位」；而當他上到高位的時候，網民又會反行其道，例子比比皆是。經過7年洗禮的坤哥，到現在就已經處之泰然。吳業坤：「假設，我係『我最喜愛男歌手』。啲人唔會開post『我好鍾意我最喜愛男歌手吳業坤』，啲人淨係會開post，『吳業坤係偽毒，佢唔值得...』咁先有人討論。讚好嘅嘢只係有好同唔好，但係唔鍾意嘅嘢可以有好多嘢可以話。就正如平時同人傾偈嘅時候，你只會話人哋有幾衰，但係你唔會同佢講佢好㗎。」

「我都係網民，其實我都有呢啲心態：我踩佢又唔使錢嘅。我點解要幫佢」

「其實我宜家都唔睇（網民啲留言），因為睇完之後你覆咗佢，佢又唔會喜歡你嘅。你冇可能去說服一個人（喜歡你）。呢個世界就係咁得意。舉個例，點解要分藍絲同黃絲，我有時會睇到黃絲版講嘅嘢，同藍絲版講嘅嘢，係完全兩個世界。即係北極同火星咁，你係冇可能行入個地方嚟說服佢哋：『過嚟我嗰邊啦』。呢樣嘢係冇得解釋，我唔鍾意你就係唔鍾意你，我唔需要理由。」

藝人=海鮮價

「其實呢樣嘢好主觀，舉例，陳偉霆先生，佢喺大陸咁紅。但係香港總會有人仲係講緊嗰個gag：而我不知道誰是陳偉霆。有一次好好笑就係，搭的士嘅時候，個的士司機話：『點吖，宜家一線啦喎？』我即刻嚇親。但係網上又會有人覺得我係茄喱啡，所以做藝人呢樣嘢就好似『海鮮價』咁，好浮動。你今日係男主角，可能聽日你就會掉落去唔知邊個位置。」

【誇世代】馬海倫演技爆發零提名　網友不值：不能選她做女主角？
【誇世代】劇情大暴走變打喪屍　陳豪做宇宙大王係咩玩法？

坤哥的「偽毒」

隨著早年吳業坤在歌唱事業的吃得開，他在個人社交平台上的活躍以及戀愛緋聞上的增加。據非正式統計，坤哥起碼同15位女藝人傳過緋聞。他與每與一位女藝人合照、拍劇、食過飯、行街睇戲、食雪糕，都可以在網上社交平台上尋得「罪證」，或者是真有其事，又可能只是「炒作」。反正無論網民或是媒體都樂此不彼。所以，網民又送了一個「偽毒」的稱號給他。故名思義「偽」「毒」，即是「假」毒男，「扮豬食老虎」。

毒男也會成長

吳業坤在訪問中就解釋了何為「偽毒」：「偽毒喺比較早排的說法呢，我覺得係「扮豬食老虎」。但係重申我就冇扮豬。（你係老虎？）我係羊或者係馬，但係說冇食老虎。（食乜呢？）食好東西。」所以，就得出了坤哥是「扮羊食好東西」的結論……還好，坤哥有解釋這個由來：「一開始大家認識我嘅地方係《超級巨聲2》，而我啱啱入行又戇下戇下，身型又比較瘦削又毒毒地，又鍾意打機又鍾意漫畫。咁大家就真係會覺得我係一個宅男或者毒男。慢慢又有啲新聞話我溝女，大家又會覺得，『有乜理由一個真嘅毒男，會喺電視台做嘢。』但係一個人會成長㗎嘛，當大家唔相信一個毒男可以做到呢啲嘢嘅時候，咪會覺得我扮毒男囉。」

吳業坤：「大家將7年前嘅印象，吳業坤唔係咁嘅，吳業坤係『毒』嘅。到宜家7年後，一個『毒男』又點會夠膽企上台講咁多嘢吖？我入行之後要去改變自己，咁先可以喺呢行生存。大家就係將以前嘅印象撈埋宜家嘅印象，咁咪會覺得我係『偽毒』囉。」