樂易玲「忘本論」掀風雨 詹天文籲勿亂猜測：佢冇對住Gigi講

「聲夢小花」詹天文（Windy）和鍾柔美（Yumi）早前出席了《音樂出沒 Let’s play together》的演唱會加場發布會，獲無綫高層樂易玲到場支持，並在致辭時語重心長籲三小花「不要忘本」，被指疑似暗寸近期盛傳離巢的炎明熹，「忘本論」惹起全城熱議。

昨日（5/7）Windy現身中環出席時裝騷活動就樂小姐「忘本論」解畫，接受《香港01》訪問時說：「其實當時聽到樂小姐咁講，我係冇諗過咁多嘢，反而覺得係一個正常嘢，就係不論做咩嘢就係唔好忘本，同埋唔好忘記個初心。我覺得樂小姐係用正常嘅語氣講出嚟，我係冇諗太多嘢。（樂小姐講完忘本論你敢唔敢離巢？）又唔好咁講，因為合約我仲有一段時間，如果到時真係有一啲原因，需要去做其他嘢嘅時候，我就覺得不忘初心同感恩嘅心，一定要長存落去。唔好因為離開咗間公司而唔去感恩一個俾機會你嘅人囉，咁所以我係唔會忘記一開始佢哋畀我嘅嘢。（忘本論為Gigi造成壓力唔敢離巢？）我覺得樂小姐只係純粹講咗呢幾句說話，佢係冇對住Gigi講，咁所以我就覺係大家自己喺度猜測。」