容祖兒被傳與內地女導演李璇交往 表示不是緋聞6字認証關係

容祖兒（Joey）被傳與內地女導演交往，引發雙方粉絲在社交媒體掀罵戰，有容祖兒的粉絲到李璇的微博留言：「我求你離她遠點」，李璇則回應：「你們遠點差不多」。事件引發外界關注。

今日（4/7）Joey現身銅鑼灣出席品牌活動，就事件接受《香港01》訪問時表示：「其實唔係緋聞嚟，我哋係朋友嚟，不過我覺得都係小風波，係需要一啲時間消化，變咗又唔使太過擔心。而呢樣嘢就係由我出道到而家，慢慢咁鍛鍊返嚟，變咗係唔會有即時嘅情緒波動。（會唔會減少見面避免惹緋聞？）其實呢排係少咗返內地，或等做完騷再睇吓點。」

被問到會否安慰粉絲？Joey續說：「其實我自己都有同自己嘅歌粉會了解過，佢哋都好理性。不過講真我唔係好知道，網上面咁多唔同嘅聲音，究竟邊啲係真正嘅粉絲，你係永遠永遠唔會知道，既然係咁，我哋唔去深究。而我唯一做到嘅嘢，就係做返好我自己。」