【七警案】被網民質問「關你咩事」 麥明詩妙答一句K.O.
撰文：郭敏玲
出版：更新：
擾攘了兩年的七警傷人案終於有判決，昨日法官判7人入獄兩年。大家對判決看法各異，有人覺得警察打人收監是公義的彰顯，亦有人對判決感到遺憾，包括警察隊員佐級協會主席陳祖光，他事後對判刑感到「非常驚訝，且難以接受」，此番言論就引來一向關心時事的麥明詩留意。
出身於劍橋法律系的麥明詩，昨晚就在社交網站分享關於陳祖光的報道，並表示：「點解打人後要坐監係不公義嘅？ #真心唔明 #一個人嘅說話唔代表所有警察 #無論邊個打邊個都應負刑責 #法治」立場相當清晰，認為打人本來就唔啱，應該得到相應的懲罰。麥明詩於文末更間接回應認為判刑太重的人，引用報章：「Btw, to 嗰啲話因爲有壓力／受到侮辱／俾人打所以判刑過重，有報導引述『法官以2年6個月作量判起點，考慮被告長時間服務社會、初犯、佔中時承受壓力，而警員勢將被警隊解僱，及失去退休金等，故減刑6個月至2年』」
麥明詩言論一出，即獲大量網民支持，大讚她敢言：「有guts，你真係比歷屆港姐高幾班！」、「這個世界連是非黑白都被顛倒的時候！原來，找一位願意說真話的公眾人物，很難！」不過有正必有反，有持相反意見的網民直指：「其實關你咩事？」麥明詩亦回應對方：「香港嘅事，當然關我作為香港人事。」平心靜氣得來，又充滿着智慧，一句KO對方再引來網民讚賞。