【TVB Secrets】衛星街究竟在那裡？ 連google都搵唔到好神秘
相信大家一遇到唔識路就會即刻開google map一下，究竟係咪真係無所不能呢？原來香港有嘅地方真係連google map都睇唔到，嗰嗰就係經緯度22°16'43.8"N 114°16'19.4"E。呢嗰地方連google map都唔會影到既神秘地方究竟係咩呢？其實就係大家都好熟悉位於將軍澳TVB電視城嘅古裝街及民初街，原來仲有條衛星街同新聞街。《香港01》就帶各位讀者入去窺探一下，呢嗰既神秘又熟悉的「404街道」！
位於將軍澳嘅電視城入面原來都有分唔同嘅街道名，有外景路，新聞街、衛星街同廠景路，相信都是根據附近的大樓而命名。其中一條衛星街，顧名思義真係有好多衛星，睇返資料，原來是無綫收費電視的衛星地面站，當中有10組衛星天線，可將數據和影像下載或上載到不同的人造衛星。有傳呢嗰地方有好多TVB女職員都不敢接近，原因係怕有好多輻射，行得太近會影響生BB。
民初街
入到民初街，第一個感覺就是好似回到20世紀的香港，短短10幾米已經有各式各樣的商店，有涼茶鋪，澡堂，米鋪，麵檔等，真係眼花繚亂。由於今次入民初街未有遇上劇集開拍，不少商店內的商品都「鋪晒塵」，兼且有不少雜物，所以滋生了不少蚊子。民初街拍過無數嘅劇集《城寨英雄》，《巾幗梟雄 》及《大藥坊》等都係呢度取景。入面有齊各式商店、大宅寺院、大宅、茶樓、城樓等，幾乎可以話係足不出戶係呢嗰外景場地內完成。
民初街-教堂
相信有睇開TVB劇集嘅觀眾，都一定知道呢座教堂嘅存在。其實這座教堂應該是民初街最大的建築物，真係同平時的教堂完全無分別，裏面的歐陸式建築設計，如果可以開放俾市民參觀，相信是不少呃like景點。記者拍攝當天正正一個人進入教堂，正中間就放置了一副棺材道具，又無開燈，增添了不少恐怖氣氛！
古裝街
雖然現在有不少TVB古裝劇都會北上取景，其實TVB內的古裝街場地都幾好，應有盡有。位置亦相當方便，與民初街只有一街之隔，未行入去已經好震驚。點解呢？因為入去之前先要經過一個大大的城門樓，進入後古裝街就呈現眼前，可惜空無一人。古裝街比起民初街大，裏面有兩條街，古裝街入面都有不少客棧，以及幾戶人家的大宅，而商店較密集，雜物亦相對多。
古裝街－大宅
由民初街再走到古裝街依然不變的是，蚊子一樣咁多，如果你係O型血人士，就應該避免進入！我們亦進入了其中一個大宅，雖然庭園只是一個樣板，但旁邊的花園是很不錯，有涼亭有錦鯉，如果唔係太多蚊嘅話，真係可以坐係度飲返杯茶。