【樓奴】住獨立屋都隨時後悔　當地港人教路：移居清邁咪心急

在香港上車無望，不想做樓奴、租樓奴，想逃出香港，不少人會考慮生活成本較低的泰國。若嫌曼谷人多車多，位處泰國北部的清邁，是近年不少港人的新選擇。尤其樓價比香港「平一大截」，不過有在清邁開設顧問公司的香港人，就告誡有心人：「千祈唔好心急買樓。」

雖然清邁屬泰國二線城市，但亦是不少港人熱愛的旅遊地點，移居清邁多年，在當地開設顧問公司，並在Facebook開設「入贅清邁」專頁的負責人John提醒港人，旅行與移居，完全是兩回事，「想移居清邁，第一件事是毋須心急買樓，見到House有花園泳池，就覺得好靚，無考慮清楚就買，因為清邁的房屋市場供應量大，二手買賣市場不如香港活躍，如果買入後發現唔適合，想賣樓要搵買家，隨時唔知要等幾耐。」

John指清邁有不少獨立屋（House）出售，既有花園，亦有泳池，對住慣「多層大廈」的香港人，猶如見到「Dream House」，「的而且確，獨立屋環境係好好，香港人買完可能會覺得麻煩，因為要打理花園、泳池，未必個個人有類似經驗，加上上落都要行樓梯，結果寧願住番多層大樓，泰國就叫做Condo（公寓）。」所以，John建議想移居清邁，最好先租樓，「可以先租三個月至半年，方便了解附近環境，亦可以揀清楚居住模式。」

就算了解清邁環境，當決定置業時，仍然記得要做足功課，「最緊要睇發展商信譽」，不過，John表示網上有關清邁的房產資訊不算多，「除咗睇聲譽之外，最好搵相熟嘅地產代理。」John亦提醒，買家一定要留意大廈的管理費，「呢度嘅管理公司好參差，切勿貪收費平，如果買新樓，可以問問發展商同管理公司簽咗幾耐約，如果合約期長，亦都比較有信心。」