【樓奴】許家傑拒做樓奴寧願同屋企人住：依家啲樓唔抵買

今時今日，香港地要有層樓真是不容易，如果並沒有家裡的幫助，一個普通打工仔要儲錢買樓，付完首期還要供足二、三十年，一生人的下半生便奉獻了在供樓上，成為「樓奴」。

作為明星，表面風風光光，外人當然認為他們買樓易如反掌，事實又是否如此呢？許家傑在TVB打滾多年，最近終於憑「送水輝」一角彈起，但想買樓卻不是易事。他今日出席劇集《兄弟》宣傳活動時，接受《香港01》訪問，他表示：「我覺得依家啲樓唔抵買，當你一年搵二、三十萬人工，但一層樓幾百萬，可能你人生之後廿幾三十年都畀咗層樓。可能因為我住村屋又可以同屋企人住，我會寧願裝修過間屋都好過幾百萬買層樓。」

至於自己會唔會做樓奴，家傑就話唔會喇：「我唔覺得自己係樓奴，我有一種心態，我做人比較享受人生嘅經歷，有人覺得有一層樓就係一個目標，我覺得如果俾我揀，我寧願要一個好嘅角色。我算幸福，屋企有地方俾我住，香港又寸金尺土，希望每個人都搵到自己嘅蝸居。」希望大家都可以用最理想嘅方法搵到居所喇。