許家傑新劇做特警要騷肌：公司叫我有定心理準備

許家傑（Jack）「送水輝」一角而人氣急升，最近連J2節目《兄分幫》都撈埋，他接受電話訪問時表示，《兄弟幫》純粹客串成份。「因為唔夠人，公司問我有無興趣試吓，自己之前都做過《東張西望》，所以都handle到，暫時拍咗四集，睇外間反應再決定繼唔繼續。」

許家傑表示《兄弟幫》雖然只是清談節目，但事前都要做足功課，他又指主持節目獲益良多，但目前他仍然想以拍劇為主。「自己9月會拍《機場特警》，暫時只係知道會同楊明做兄弟，不過公司有叫我操吓，因為同劇嘅男生都係高大威猛，我有定心理準備架啦，呢幾日生日就食多啲，之後就嚟料。」問到新劇開拍會否影響《愛·回家之開心速遞》，許家傑笑言就算再辛苦都唔想放棄《愛·回家》，亦感謝公司給予不同的機會。

問到如何慶祝35歲生日，許家傑透露於工作中渡過，並連續兩日獲《愛·回家》同劇演員送上蛋糕慶祝。至於生日願意，許家傑表示過去一年得到很多令他十分感恩，但會繼續督促自己做得更好以及更加勤力。