【樓奴】港女返「鄉下」唔願走　移居清邁兼買樓

泰國物價便宜，不只曼谷，位於北部的清邁，同樣是不少港人的旅遊熱點，而香港女子Sinny亦不例外，自小已是泰國常客，長大後不但飛到當地學泰文，更愛上當地環境，最後決定離開香港，移居清邁兼買樓，不做香港樓奴。

從澳洲完成學業後，Sinny回港任職OL，有感香港物價貴兼生活壓力大，令Sinny逐漸開始思考人生去向，「2013年返香港，覺得愈來愈辛苦，而且香港樓價太癲，人工又唔高，買樓簡直無可能，既然自己鍾意泰國，點解唔去試下？」雖然Sinny是半個泰國人，但從未循正式途徑接觸泰文，「如果有心想喺泰國發展，覺得應該要去當地住。」於是Sinny於2015年決定去泰國修讀泰文，「最初只諗住讀一年，不過讀完書之後，就搵到份地產工作，亦覺得清邁發展機會俾香港多，於是繼續留喺度。」

Sinny在清邁Changklan住了兩年，一直租住公寓（Condo），「租金每月大約一萬泰銖(折合港幣約$2,365)，如果以當地人每月平均收入約一萬五千泰銖計算，就覺得好貴，眼見當地樓價都升緊，雖然升得好慢，但都加速買樓嘅決定。」由於母親是泰國人的關係，Sinny自然擁有泰國國藉，買樓比一般港人方便。「毋須特別證明文件，只要有銀行戶口就得，如果外國人，就要以公司名義購買。」

由於工作關係，Sinny對當地地產市場較為熟悉，睇勻十多個樓盤後，決定購入位於離清邁市中心約10多分鐘車程的Saraphi，「我買呢間房屋，9月買入價係326萬泰間銖（約77萬港元），一個月都已經升咗10萬泰銖，土地面積238平方米（約2,500平方呎），房屋面積170平方米（約1,800平方呎）。」不過由於法例所限，只有泰國本地人，才能購買擁有土地權的物業，並永久擁有土地權，「如果外國人想買，就要用公司名義購買，並且要同土地署訂立土地租約，每30年更新一次。」

不少港人愛投資外國物業，購入後再放租，以賺取更多收入，Sinny認為要小心選擇，「如果買公寓（Condo），泰國政府會有配額，例如一座大廈，只批准某個百分比單位賣畀外國人，所以買之前，要搵律師查清楚，否則會轉唔到名。」而且，泰國所有住宅都要經過多個部門批核，才可發售，例如建築證、環境審核等，「可以要求發展商出示相關文件，最重要的，是泰國的房屋租賃市場不如香港般活躍，未必短時間即刻有人租，所以要有心理準備。」