只睇價錢不講音質　邊個串流音樂app最抵玩？

今時今日大家聽歌為求方便，多數都會選擇用手機app，市面各種串流音樂平台五花八門，主要都是JOOX、KKBOX、MOOV、Spotify及Apple Music。相信大家都在網上討論區看過「求組隊」、「求夾家庭plan」等等帖文，到底只看價錢哪個串流音樂app划算，即看以下比較。

首次免費試用

正所謂「顧客永遠是對的」，現時任何app都講求user friendly，聽歌app亦不例外，各個平台都會提供一段免費試聽時間，讓消費者可以「先聽真，再課金」。

JOOX：可以一直免費使用普通版，但有廣告以及並非開通全部歌曲
MOOV：14日免費試聽
​KKBOX：7日免費試聽
Spotify：可以一直免費試用普通版，但有廣告
 

*唯獨Apple Music首次要課金$5試用3個月

各個平台的試用優惠也不同，大家可以試聽完再課金(一切價錢及條款以各音樂平台官網為準，以下圖片為出稿前熒幕截圖)

每月收費(個人使用)

試聽完覺得唔錯想繼續用就當然要課金啦，大家記住音樂呢樣娛樂係要俾錢㗎，請支持正版音樂。(當然，遇到鍾意嘅歌手最好梗係買碟啦！)

JOOX： $43一個月(暫無信用卡優惠，但可每日分享歌曲到facebook或WeChat換取12小時免費)
MOOV： $48一個月(有信用卡優惠，詳情請參閱MOOV官網)
KKBOX： $49一個月(有信用卡優惠，詳情請參閱KKBOX官網)
Spotify： $58一個月(暫無信用卡優惠)
Apple Music：$48一個月(暫無信用卡優惠)

大家可以Click入睇睇邊個月費plan最啱自己(一切價錢及條款以各音樂平台官網為準，以下圖片為出稿前熒幕截圖)

學生優惠

歌都有得唱「年少多好，貧困多好」，部份串流音樂app都有照顧零用錢不多的學生們推出優惠，咁邊個優惠最抵呢？

JOOX： 暫無學生優惠
MOOV：$24一個月(但合約期為12個月)
KKBOX：$294/360天(以一年計，平均$24.5一個月)
Spotify： $29一個月
Apple Music：$25一個月

家庭Plan
巴打最興講「我們是朋友吧」，目的為咩相信大家都清楚。不過要近排都多咗人求組隊join家庭plan聽歌，無啦啦同其他巴打「一家親」。

JOOX： 暫無家庭Plan
MOOV：暫無家庭Plan
KKBOX：暫無家庭Plan
Spotify：$88一個月(你可以與最多5名用戶共享)(6人共享平均每人每月$14.7)
Apple Music：$78一個月(你可以與最多5名用戶共享) (6人共享平均每人每月$13)

總結

單純以價錢角度出發，如果你聽歌冇要求，唔怕麻煩，又唔怕等廣告，JOOX同Spotify都係首選，而且JOOX仲可以靠每日share去升級做「短暫VIP」。唔計信用卡優惠，最平每月費都係$43一個嘅JOOX。

最抵學生Plan係MOOV，平均$24一個月，不過就要一次過俾全數；如果逐月俾錢最平嘅係Apple Music，月費$25。

如果夾齊6個人join家庭plan，最抵係Apple Music，平均每人每月$13。