閻奕格宣布12月香港開騷　譚詠麟現身記者會放笑彈：我係嚟迎賓

閻奕格今日到九龍出席專輯《我有我自己》發布記者會。閻奕格身穿低胸連身裙盛裝登場，對於自己出道7年終於有個人專輯表示：「感覺很不真實！好像還在做夢一樣！」樂壇校長譚詠麟支持大讚嚴奕格是「萬能的歌手」。

為《萬中無一》、《閻羅王》等歌曲操刀填詞的黃偉文拍片支持，Wyman話：「作為一個香港嘅填詞人覺得好榮幸可以寫到閻奕格個人專輯派台歌嘅歌詞，個感覺似係睇奧運、世界盃見到香港代表隊一樣零舍有歸屬感。或者似係去巴黎睇fashion show見到香港設計師一樣一定要支持！」

Wyman又話：「香港人喺香港生活唔容易，佢仲可以衝出香港係一個更大成就，作為一個同樣嚟自香港嘅人，可以畀到呢份支持係好重要！」獲Wyman大讚，閻奕格感動到熱淚盈眶。

另外早前一同演出《風雲5D》音樂劇的前輩，包括：鄭丹瑞、鄭嘉穎、譚耀文、胡琳、黎耀祥、謝天華、呂良偉，都有拍片祝賀。劇中監製陳淑芬更送上千里馬雕塑祝閻奕格大紅大紫。

記者會上突然出現「猜猜我是誰」事件，譚校長在後台鬼馬裝作打IDD到現場要閻奕格猜出自己的身份，不久更走到台前送上驚喜，閻奕格獲校長贈送一把寫上「大紅」二字的大扇。

譚校長大放笑彈，在台上問閻奕格：「怎麼好像變了？你沒有去...」搞gag指閻奕格去整容，引得全場哄堂大笑；校長又笑指自己是「迎賓」，負責安排嘉賓上台拍照。

接受訪問時，校長大讚閻奕格：「佢係萬能！依家好難得搵到個歌手你可以大大聲去讚佢！希望佢可以令香港樂壇再發光茫！」校長又提到面對壓力要靠自己的經驗去處理。

閻奕格將於12月舉行演唱會香港站，被問到早前翻唱彭羚的《讓我跟你走》獲網民一致好評會否在演唱會上翻唱更多金曲，她興奮表示：「當然會啦！不過會唱咩歌依家唔可以講太多住，一定會啲我最初學唱歌嘅廣東歌，同埋一啲天王天后嘅歌。」

又問到專輯同名主打歌《我有我自己》1 take過完成錄音，原來都有段故，閻奕格表示：「公司好重視呢首歌希望可以做到完美，所以首歌改咗3次編曲，試過加EDM，又試過純粹嘅Rock，最後到我入錄音室前半個鐘先聽到出街嘅版本，仲喺我Warm up緊嘅時候嘅其中一take，個監製就話『啱喇！就係佢喇！』係好唔覺意嘅1 take。」

閻奕格獲多位前輩支持，整個發布會充滿驚喜。(江智騫攝)