【90後創業】拍拖7年之癢？ Alan：冇對方，只係普通打工仔

傳說有7年之癢，剛巧拍拖7年的情侶Alan及Zoe這樣說，「冇嗰啲7年之癢，冇呢啲嘢嘅」，情侶以外，他們亦是創業伙伴，生意額數以百萬計。
男方指，如果沒有遇到對方的話，「我好大可能唔會行呢條路，而家只係個普通嘅打工仔」。

App用戶請按此開啟瀏覽器觀看短片

26歲伍偉倫（Alan）及27歲黃俊然（Zoe）相愛7年，經歷的事比一般情侶多了一欄 － 創業，現已是8間公司的老闆，生意有設計公司、鐳射槍（Laisermads）、綜合遊戲中心（Combo）以及明記甜品等。

【點擊觀看】
想知他們年賺700萬的秘密？

「出面啲情侶一星期見1至2次，我哋一星期起碼見5至6次」，粗略估計一年裡見足317次，以非同居的情侶計算，是驚人數字。「我哋當然唔剩止講生意，乜都會講，生意只不過係比其他人多一個話題」，還笑指「如果剩係講生意，好快分手」。

通常拍拖，最令人「食唔安坐唔落」的煩惱是鬧交，沒有之一。他們異口同聲「其實我哋好少鬧交」，Alan立即想起「最多都係因為我唔聽電話，佢真係可以一個朝頭早打50次電話畀我」。

男女相處亦有很大分別，Alan指「我自己唔太喜歡行街，我唔喜歡買嘢」，旁邊的Zoe立即補一句，「咁我咪行少好多街，買少好多嘢，慳到多啲錢囉」，看似略帶心虛的Alan隨即戴上頭盔，「我都會陪佢行街嘅，但係就辛苦囉」。Zoe支吾兩聲，「嗯，要好快揀完嘅」。

Zoe指由細到大「都知道自己做緊咩，打工朝9晚5嘅生活不適合我」，彷彿創業是一件早已預視到的事。相反Alan坦言，如果沒有遇到對方的話，「我好大可能唔會行呢條路，而家只係個普通嘅打工仔」慶幸遇到這一位，「剛巧這個女朋友是同我想既嘢好相似，可以一齊做同一樣嘢，其實是幾開心嘅一件事」。