【職場人際關係】點只吹水咁簡單？ 4大貼士助你擴闊人際網絡
點解成日都係「識講嘢」嘅人搵到工？升到職？賣到嘢？
見到政府高層日日喺新聞對住張紙讀出佢地嘅回答和睇法，點解你會覺得佢地講緊大話？
點解有些企業有些Sales，唔係賣獨一無二嘅產品，但係都可以咁成功？
點樣先可以更有效咁擴張自己嘅人際網絡？
呢種技能嘅重要性被人低估同埋忽視太耐，其實就係你同人相處嘅能力，即係你嘅溝通技巧。
撰文：Sam Law
【文章原刊於01撐場，歡迎下載香港01 app，與星級作者一同討論喜愛話題。】
唔知大家知唔知，幾乎係每份個工嘅job description 中，都有講到份工對溝通技巧能力嘅需要。最近，我幫好多求職者改善佢哋嘅表達能力同埋點樣建立自己嘅個人品牌，喺好多時候，佢哋都冇喺CV上面寫有關佢哋溝通技巧嘅水平。同佢哋傾計嘅時候，佢哋話唔知點樣證明自己有良好嘅溝通技巧，就算喺CV寫咗講咗都無人信，所以無寫。
不過今日唔係想講搵工。其實，溝通技巧唔止係搵工嘅時候有用，喺其他時候，例如係職場同同事建立關係，創業，擴張人際網絡，甚至同朋友和家人相處，有好嘅溝通技巧都可以大大提升你同佢哋嘅關係。
今天我就同大家分享4個好嘅溝通技巧、佢地可以帶比大家嘅好處同埋對你長遠嘅影響。
與客戶建立長遠嘅關係，使其成為您的營銷工具
如果你是一個sales，咁你一定知道好多行業其實都非常飽和，每一個行業都有大量嘅產品比客戶選擇。以保險為例，每一間公司賣嘅保險產品其實都差唔多，而佢哋嘅銷售策略，就係聘用大量銷售團隊希望通過人際關係，人際網絡去增加銷售效益。
你上次買保險嘅時候，係因為份保單有一個獨一無二嘅feature定係因為你相信賣保險畀你嗰個sales或者朋友？
事實上，我買我的人壽保險時，係經一個我已經認識了20年，做保險行業的朋友。除咗想俾佢賺佣金之外，就係因為我相信佢 （實際上我知道其他公司有更好的條款），知道佢唔會逼我買我唔需要嘅保險。而且，就算未來份保單有什麼問題，或者要索償，我都可以輕易地找到他。
而家，有其他朋友想買保險嘅時候，我都好樂意介紹呢位朋友俾佢哋認識。
Top Tip：信任和信譽是現今客人買嘢嘅主要動力。即使你賣嘅產品係獨一無二，如果客人不信任你，幾好都唔會幫你買。如果你有良好嘅溝通技巧，通過同客人相處，建立一個有信任和長遠雙贏嘅關係，那麼你將贏得無限的客戶。他們也會介紹你去認識他們的朋友，自然地成為你的marketing tool。
在所有社交場合都留低好的first impression，大大提高建立人際網絡的效率
我們很多時候都出去參加唔同嘅社交活動，就算只認識活動入面20人中的其中兩位，我們都會出席。因為我們都知道建立人際網絡的重要性。
但是不是去得愈多就表示人際網絡愈大呢？
當你喺社交場合認識新朋友時，建立關係嘅質量比數量重要很多。如果你給人的image是一位有自信，有善，和對其他人故事背景有真誠興趣的人，這種交流會很有建設性，他們對你的印象還會非常深，會記得你。
Exchange咗聯絡方法之後， follow up都唔會覺得尷尬。
當然，你都可以去社交場合純粹為咗玩一晚，完全冇問題。
Top Tip：好嘅關係是講求質量不是數量，沒有必要迫自己在社交場合裏跟每一個人都交談。相反，在一個社交場合如果你可以認識兩位真朋友，知道他們的故事和興趣，已經非常成功。遲啲有任何合作機會都方便很多。
與你的朋友和家人有更好的關係
你可以透過網上社交平台分享數百張selfies和照片，吸納一萬個like和followers，或者是每一天跟50位朋友catch up，表現得好像很多朋友。但是，就算網上平台怎樣發達，都不能代替我們面對面說話，彼此表達的笑聲和情感。面對面說的一句 「thank you」 ，比在Whatsapp或Facebook上說的影響力要多一千倍。
「網上技術的發達毫無疑問地使我們的溝通方式變得更加容易和更有效率，但人與人之間的溝通，最重要的始終是message裏的內容，信息和情感，永遠都是。」
Top Tip：下次與你的朋友或家人聚會時，不要再花時間看你的手機，跟他們多交談，去了解他們的生活，問他們喜歡做什麼，問他們想做什麼。生活中最寶貴的就是時間，告訴他們你很高興看到他們，確保你和他們相處的時間是值得的。
增加你的自信心，把你的想法正面地去影響其他人
太久以來，我們很多人（包括我在內）都相信通過在學校取得好成績，多才多藝，做一個技術上的專家便能令我們成功實現「目標」。然而，世界已經變了很多，職場上有無數的大學畢業生，研究生甚至博士，他們都跟我們競爭相同的工作。
所以，今天能夠有效表達自己的人會脫穎而出和被聘用。
所以，今天能夠將他們的技術上的知識翻譯成所有人都能理解的會succeed。
所以，今天有自信的人會成功。
我以前以為自信心來自於我的背景，教育和經驗。富二代和金鎖匙就有自信，其他就沒有。
今天才知道有多錯。
當你是一個好的溝通者，你會由內散發出自信心。當你有信心時，別人會尊重你和聽你說的話。長遠來說，你的人際網絡會更大，你在公司的工作效率會更高，晉升機會會更多，比其他人更加成功。
Top Tip：自信心是一種選擇而不是天生的。如果需要假扮才有自信，那就一直假扮到你有自信為止。（這是 TED.com 最受歡迎的視頻之一，去看看。）
信心來自你的說話的語氣，模式，身體語言和眼神。下一次當你在見工面試或是在社交場合跟人說話時，身體坐直，企直，說話時望着對方，把自己的自信心散發出去。
Finally，記得要有笑容，makes all the difference。
希望幫到你，謝謝。
【編按：文章題目由編輯所擬，原題為「【溝通技巧】你未來的成功就取決於你對這個技能的認知和發展」。】
（文章純屬作者意見，不代表香港01立場。）