EPS提款失敗擲毀碌卡機　被捕男「撻朵」幫辦子　警：佢叫咩名？

凌晨2時許，3男1女青年走入銅鑼灣邊寧頓道17號地下一間7-11便利店購物，其中一名年約25歲穿波衫青年，則需使用EPS「易辦事」購物提款。由於每次提款上限為500元，但他需要更多現金，故要分開兩次提取。據知他第一次成功提取500元，然而當第二次時，有人輸入數次密碼均無效，竟一怒之下，將手上的EPS碌卡機擲向地面，螢幕應聲破裂。職員見狀無奈報案，據知有人一度提出賠償，但職員只能按指示報警及召經理到場處理，該名波衫男最終涉嫌「刑事毀壞」被警方拘捕。

據知有人事發前曾飲過酒，被捕時曾少許反抗。消息稱，有人被押上警車期間向警員「撻朵」：「我老豆係幫辦!」警員反問：「咁佢叫咩名呢?」有人卻答不出，在車上左搖右擺坐不定。