【樓奴】無悔東涌「上車」 80後單身女：無父母難圓買樓夢
香港擁有一大片石屎森林，但港人要在廣袤之間尋方寸立身之所，難度堪比登天。房屋置業階梯已朽，幾百萬人在「樓海」中艱苦尋覓安身之所，劏房戶等公屋、租戶等買樓、業主等供完樓，「樓奴」都在等一個改變命運的機會。
近年買樓興起「靠父幹」，但31歲的Rebecca說，即使有「外援」，市區樓盤仍然「高不可攀」。她去年倚靠父母資助近100萬首期，購入一個東涌二手樓單位，「入市」前雖然亦曾被家人勸阻地點太偏遠，但她已心滿意足。
她說，現時樓價瘋狂，儲錢幅度難追上，身邊有不少朋友都要父母幫忙才能上車，買樓已由靠自己努力，變成父母財力比拼，「如果無父母幫手，我諗自己買到樓有啲困難。」
與一般年輕人無異，Rebecca畢業後出來工作，與家人同住，但她一直渴望有自己的蝸居，但奈何儲蓄有限、樓價屢破頂，置業夢難圓。
「只買到400萬樓下單位 但已經無乜盤」
樓價瘋狂，港人都呻儲錢幅度，永遠追不上樓價升幅，甚至超出年輕人可負擔水平。Rebecca都說，若當初無父母支付部份首期，她根本難以置業，「我諗都有啲困難，可能只買到400萬樓下單位，但已經無乜盤。」
她指，香港的樓市已非常扭曲，「靠父幹」已成為常態，否則年輕人根本難以「上車」：
同其他地方相比，香港人工唔算低，仲要低稅率，但樓價相比起就好貴。
樓價已累升兩成
相比起一般年輕人，Rebecca的家境可以「生活無憂」形容。父母擁有多於一個物業，後來決定將一層舊樓賣出，為她資助約80萬元首期，但市面上可負擔的樓盤不算多，Rebecca最後揀了東涌一個二手單位，500呎左右樓價520萬，即使父母對地點有異議，她仍決定「入市」，更慶幸自己當初的「果斷」，因為單位已累計升值兩成多至近700萬元：「我都會諗，有無升得咁高？」
買樓是人生的重大決定之一，但作為「過來人」的Rebecca指出，現時樓市熾熱，為免被人搶先一步，買樓決定隨時要快過「買餸」。她憶述，去年決定買樓時，當時只得兩日時間作決定：「唔知係地產經紀銷售技巧定點，但永遠都話有好多人問緊個盤，要即刻決定，又話業主唔反價已經好幸運。」
香港樓奴慘況實錄
「搬出來先有空間點香薰油」
Rebecca說，自從搬入東涌後，往返工作的交通費及時間均倍增，但若可以重新選擇，她仍無悔在東涌「上車」。她指可以做業主已「心滿意足」，形容東涌有更多綠化空間，可以踩單車出入，亦擁有更多的私人空間，「屋企係腦袋同身體都放鬆嘅空間，我搬出嚟之後，先開始點香薰油、蠟燭，夜晚可以放鬆下。」
當初Rebecca為了擁有私人空間而置業，但她不諱言社會有太多人想有自己空間，置業需求大增推高樓價，因果不斷循環，「年輕人真係好難買樓！」