【樓奴】物理治療師要靠父母上車 嘆供樓不快樂：買完後就食屎！
香港擁有一大片石屎森林，但港人要在廣袤之間尋方寸立身之所，難度堪比登天。房屋置業階梯已朽，幾百萬人在「樓海」中艱苦尋覓安身之所，劏房戶等公屋、租戶等買樓、業主等供完樓，「樓奴」都在等一個改變命運的機會。
靠父母幹上車，是否真的等於「人生勝利組」？ 物理治療師RT未夠30歲已成為業主，擁有價值千萬的單位，但他卻無半點喜悅。他表示，供樓、家用已佔去每月收入約九成，甚至令他要「犧牲」興趣。供樓負擔重，自己亦不是「金龜」，「我係買完樓之後就食屎！」
在荃灣海濱聳立着一排又一排的新樓，其中一個向海單位正是RT的新居。28歲已經成為業主，RT是社會大眾口中的「人生勝利組」。這個三房海景單位由他一人獨住，樓價約960萬元，晉身有樓一族對RT而言，喜悅不多：
我又未去到人哋口中嘅金龜，買完樓後好鬆動，我唔係，我係買完後就食屎！
RT：退休前只剩下3年時間儲錢
去年RT靠父母的退休金，成功買下一個荃灣西新盤「上車」，首期約500萬元。RT說，當初父母本著「買磚頭最穩陣」的道理，令他「半逼半自願」地踏上業主路。成為業主後，不少人前來恭賀，但他卻說：「壓力來源，係你知道自己將來要供款30年，我唔知自己會唔會有咩冬瓜豆腐……我要保持現時（財政）狀態到57歲，我先會甩難，但我到時候只係啱啱供完樓，退休前只剩下3年時間儲錢，到時都唔知儲到啲咩。」
RT說，自己月入大約4萬元，但供樓連家用，未計三餐交通，已佔收入約九成，每月只剩下3,000多元可用。他笑言，幸好自己生活從不奢華，影響才不算大。不過，他收樓時首次見到「實物」，不諱言單位比想像中細，「真係又貴又細。」
生活與結他只能二擇一
不少香港人窮一生只為一層樓，但RT卻志不在此：
人生只得一次，you only live once，你將人生目標擺喺幢樓到，好物質化……物質上畀到我嘅開心，唔係心靈上嘅滿足。
RT一直醉心音樂及運動，閒時會與朋友「夾Band」，對樂器有一定要求，有隊友更曾買入一支逾萬元結他，並為它戲謔改名為「首期」。見到心儀樂器，RT的確會心動，但做了業主後只能「忍手」，因為他選擇了「真首期」，將興趣的花費都改放在磚頭。
買樓似街市 慢一秒冇得揀
樓市瘋狂，相信香港人不會反對。RT回想買樓當日情景，仍心有餘悸，「原本想買兩房單位，但揀樓嗰陣話售罄。」
他形容當時感覺「震撼」，人人爭先恐後。「好似去咗街市咁，遲一秒決定就隨時冇得揀。」他最後考慮工資增長及負擔能力，決定轉為買入三房單位，較預算的800萬多出近200萬。
當時我好猶豫，壓力好大，我記得我媽媽喺我後邊，佢扯住我衫尾話唔好……到你點頭話要，一下子就無咗960萬，好似好草率，但你見到大家都好熾熱期待，好似唔使錢咁。
香港樓奴慘況實錄
一個人供樓：「我都知好離地。」
對置業不以為然的他，最後卻要參與其中。他慨嘆在香港若不及早置業，只能眼看樓價一直升，「遲早都要住，我呢一刻唔諗，過多五年一樣要諗，除非我唔結婚唔生仔，如果我呢一刻唔打算，咁到時點算？」
在現時的樓市，年輕人可以買樓、自己一個人供樓，RT都說覺得聽起來「離地」。他又說，自己任職物理治療師月入約4萬元，若沒有父母幫忙，肯定難以負擔樓價，「我呢一類人，已經叫做專業人士……香港入息中位數係1.8萬元，我係佢哋兩倍有多，但我自己一個都儲唔到首期，咁其他人點算？」