【觀塘重建】問卷設計「有蠱惑」　學者逐點反駁市建局

市建局近日公佈一份於年初進行、針對觀塘第5發展區搭建物用戶的問卷調查結果，惟這份由局方親自設計的問卷，以及其結果分析，遭到關注區內重建的人士批評有引導性。《香港01》找來香港理工大學應用社會科學系助理教授鍾劍華，逐點分析這份問卷的問題。

看畢這份問卷調查結果，鍾劍華指其覆蓋9成搭建物用戶，相信能充分反映用戶意見，惟說到市建局發佈的結果分析，他也道：「相當Tricky(蠱惑)。」

咩位咁蠱惑？

「睇晒成個問卷，佢都冇賠償方案（列明在問卷內）。」如鍾劍華所言，賠償方案最快要到今年第3季才會出爐，但他說現時市建局將問卷結果內，揀選「唔想離開，但特惠金合理就會走」這選項的5成3受訪者，都歸類為願取特惠金離開的一群，但同時並無詢問現時方案是否合理。

在此情況下，鍾劍華指如讀者不仔細看清楚圖表上的資料，很容易會誤解當中意思：「唔知發生咩事嘅大眾，可能睇完只知道7成人願意攞特惠金走，到個特惠金唔合理，啲人唔肯走，可能會畀人以為佢哋玩嘢。」

選項描述自相矛盾？

問卷予受訪者選擇的選項，是3項長長的描述，每句描述至少包含3個元素，其中一個是「我滿意現狀，唔想離開，但如果特惠金合理，就會走」。鍾劍華說此並非好的設計：「佢個選項有幾層意思，會容易理解錯，尤其是佢呢啲舊區，住戶年紀都大。」

問卷中的描述選項如被拆解為3個精簡的小問題，例如「你滿不滿現狀」、「你想不想離開」、「有特惠金你會不會走」等，鍾劍華相信若換成這種問法，市建局一樣可得到想要的數據。

結果=受訪者對搬遷的看法？

雖然市建局回覆《香港01》指，因希望分析特惠金和搬遷的關係，故得「7成人願取特惠金離開」的結論。不過，在文件的結果分析(三)中，局方只將小標題列作「受訪者對搬遷的看法」，鍾劍華批評：「𠵱家佢唔係問緊對搬遷嘅睇法，係對攞特惠金嘅睇法。」

在此問題下，市建局給予受訪者的選項只圍繞着特惠金，並無其他選項：「因為搬遷嘅選項可以係樓換樓、安置，但佢問緊嘅係咩情況之下，先會接受特惠金離開。」他續道：「如果冇問，可能市建局一開始就冇打算安置呢班人，只會負責賠償。」

安置方案在哪裏？

據市建局的回覆，由於搭建物背景情況特殊，局方須收集最新的資料，再為他們設計適合的安置方案，但鍾劍華說：「佢點知幾多受訪者係想安置？都冇問到呢個問題。」

他批評，如果市建局如其標語般「以人為本」，就應該將安置加入選項，以作研究：「佢唔知大家點諗，就做唔到合理嘅政策設計。」