【街坊都無得坐】圍封利東商場平台長椅　領展被轟趕絶露宿者

無家者要在香港找到一個地方渡過漫漫長夜，從來不是易事，不單要顧慮旁人的目光，有時更會被物業持有者趕走，要找下一個地方待到天明。近日，南區利東邨商場二期常有露宿者使用、休息的長椅更被鐵馬圍封，惹來商場趕絕露宿者之嫌。

利東邨多年來都有一、兩位露宿者在邨內各處休息，南區區議員羅健熙指，一直未有街坊就此投訴。「佢哋會去唔同地方休息，走嘅時候亦會執走晒啲嘢，唔會留低垃圾。」他強調，相關人士多年來都未為邨內帶來嚴重問題，街坊亦早已見慣不怪：「有啲街坊見佢瞓喺度，都會叫我去關心下佢哋。」

羅健熙表示，他有同事曾接觸過該名露宿者，亦知道有政府部門了解其情況，嘗試提供協助：「但佢覺得唔需要人幫。每個人都有自己嘅選擇，我覺得冇咩所謂。」

不過，羅健熙上星期發現，領展將商場平台、扶手電梯兩旁的長椅以鐵馬圍封。「商場話有收到投訴，話有露宿者同衞生問題。」他更指，商場一方起初打算24小時圍封有關設施，但經他交涉過後，終決定日間時間將設施解封，到晚上10點半再以鐵馬圍住，至翌日早上8時。

「其實佢哋又唔會滋擾人，都係自己瞓，又何苦搞佢哋呢？」他指不少街坊得知領展採取相關措施後都表示不滿。而且羅健熙認為，封全長椅的舉動，令街坊少了一個可以休息、閒聊的地方：「而家佢係失去咗成個社區功能。」他質疑領展為何基於個別投訴，就作出此舉動，接下來也會繼續和領展溝通，以解決問題。

領展回覆《香港01》指，因有居民及途人反映意見，指有關行為有礙他人使用設施，故管理人員就此考慮不同了方案，如於晚間短暫圍封長椅。領展指，將視乎實際情況，探討不同改善方案，而商場辦事處職員亦已向有關人士了解情況，並表達關懷。