【責任誰屬？】馬鞍山屋苑無故爆玻璃窗　驗樓師咁樣講……

家中玻璃窗爆裂相信是不少人的惡夢，不止維修要一筆費用，處理得不好，更隨時會傷及途人。馬鞍山有街坊日前指家中玻璃窗無故爆裂，整片玻璃都出現了裂痕。有驗樓師指，爆裂原因竟與雜質有關！

馬鞍山迎海一單位的玻璃窗出現爆裂的情況，強化玻璃呈放射狀裂開，整片都佈滿了裂紋，幸好它仍能保持形狀，未碎開散落四周。照片引來不少人討論，猜測玻璃爆裂的原因，亦有人着屋主盡快通知管業處，釐清修理責任誰屬，並找專業人士處理。

玻璃爆裂的原因眾說紛紜，但驗樓師詹濟南看畢照片後，直指玻璃是因內有雜質而「自爆」：「通常都係因為有雜質，可能入面有金屬，或者燒焊時有啲『焊屎』留咗喺入面，遇熱會膨脹，咁塊玻璃就會自爆。」雖然說遇熱會令有雜質的玻璃自爆，但氣溫要到達多少度才會出現此情況，卻說不準：「可能個太陽咁啱曬正，對面又有玻璃窗反射，個角度又對正佢，溫度上升就會爆。」

正因帶雜質的玻璃有可能會導致此情況，故詹濟南提醒，收樓、驗樓時要「睇真啲」。「所以驗樓嘅時候要好小心，有『焊屎』、雜質、氣泡都要即時指出，要佢(發展商)換咗隻窗。」他續道：「所以我驗樓都會『哄』到好埋睇。」

肇事單位在馬鞍山迎海。迎海共有5期，於2013年起陸續入伙。詹指每個發展商都會為新樓定下「保養期」，時間由半年至3年不等，在「保養期」內若發現單位有問題，可要求發展商處理，但若過了「保養期」，發展商就有機會「唔理你」。

如遇上此情況，詹濟南建議屋主應馬上通知管業處，要求他們上樓視察情況。至於肇事單位的情況，他指強化玻璃即使掉落街亦應不會太危險，但若此時打風、下雨，單位定會「入晒水」。