【有地冇人用】旺角舊街市丟空8年 區議員建議改做牙科設施

土地問題纏繞社區多年，常有人指區內人口密集，欠缺土地作休憩、醫療或康體用途，但在如此密集的市區中，仍出現有地無人用的情況。旺角舊街市關閉後，被丟空足足8年，油尖旺區區議員黃舒明近日聯同區內另外3位議員，向區議會上呈文件，希望可在本週四的大會上，討論相關用地的臨時用途。

旺角舊街市於2010年因人流不足而被關閉，用地因無政府部門願接手使用，後於城規會通過作賣地之用，將來可用作重建成樓高30層的建築物：「其實個地點好方便，喺正朗豪坊後面，但真係冇部門呈文件上去問。民政當時有諮詢過唔同部門，但真係冇人有興趣。」黃舒明指，惟因地產商會後來就「旺角規劃總綱圖」中舊街市以外的地方提出司法覆核，連帶舊街市用地塵封8年，用途至今仍未決。

舊街市於8年間被政府部門作臨時貨倉之用，以存放物資，惟區內一直有聲音希望用地可回歸作社區服務用途，而城規會亦於6月下旬就「旺角規劃總綱圖」重新討論，故黃舒明認為區議會是時候再議其臨時規劃用途：「區議會之前都討論過，希望可以利用呢個地方做啲社區健康嘅用途，因為呢區長者都比較多，希望可以做護理或者牙科設施。」不過如有部門有醫療、文康以外的用途，希望使用舊街市用地，她亦歡迎：「總之唔好嘥咗佢！」

不過，由於舊街市大樓較舊，而且興建之初亦是本着街市用途設計，故黃舒明指要改作其他用途，可能需一筆可觀金錢：「佢之前係街市用途，間咗做一格格，如果要用，平整地方都需要一筆錢，如果唔係，都擔心會有人因為咁而仆親。」她認為可能只有財政上有能力的非政府機構，或政府部門可以承擔。