【土地大辯論‧專訪】粉嶺高球場變維園？ 阮穎嫻：滿足保育訴求
關乎香港未來數十年土地供應的土地大辯論，已於4月尾揭起戰幔，部分土地選項包括公私營合作發展農地、填海等，備受社會關注，民間學者、團體為此多番激辯。香港大學經濟及工商管理學院助理講師阮穎嫻接受《香港01》專訪時，直言即使土地小組的報告收納所有人的意見，最終也不會得出一個共識，「一百個人就有一百個意見，點可能綑綁埋一齊，就話大家都係咁諗呢？」
她又指，粉嶺高爾夫球場佔地172公頃，若全數騰出供公眾休憩，既可滿足球會指要保育歷史建築及百年大樹的訴求，又能滿足《2030+》的休閒用地短缺，是另一個可行做法。
（系列訪問之六）
土地小組主席黃遠輝多次重申，土地大辯論是要凝聚社會共識，但香港大學經濟及工商管理學院助理講師阮穎嫻卻認為，小組最後撰寫的報告，並不能代表公眾，因為根據學術理論，即使將各人的選擇綜合，最後並不會得出一個集體同意的結論，因為少數人的意見會「被騎劫」，「無論點做，最後因為收返嚟嘅意見不同，所以（政府）可以講返自己想嗰套，呢個方法最終都唔能夠搵到公眾嘅意志，唔能夠代表晒公眾。」
「一百個人就有一百個意見，點可能綑綁埋一齊，就話大家都係咁諗呢？咁梗係唔得嘞。」
料市民難影響政府決定
她亦認為，一般的普羅大眾，根本難以從幾塊展板去了解土地供應選項背後的複雜性，包括工程成本、風險等專業知識，而且填寫選項的市民，或許很快就改變主意，惟政府就可以通過諮詢為由，理所當然作出決定，「今年你投咗，可能下年就反對，其實共識就已經唔存在，但你用而家呢一刻嘅結果，去綑綁之後20年嘅發展。」
但她認同大辯論掀起社會的關注，不少市民或持分者均熱衷於討論各個土地議題，在公民參與的角度出發，確有其意義，「大家了解多咗、關心多咗，作為一個公民參與係好，所以過程係有意義過結果，因為結果最終唔能夠代表所有人。」
無須考慮重置：商界自己籌錢不難
而18個土地選項之中，民間團體對於收回粉嶺高爾夫球場的呼聲最高，政府最終是否會從善如流仍是未知之數，阮穎嫻就稱目前最折衷的做法是收回部分土地建屋，但相信政府也只會以公私合營的模式去發展。
她認為政府應保留整個高球場，將其變成另一個維園，一方面可滿足《2030+》中對休憩用地的需求，又可滿足球會等支持保留球場人士，對保育場內的古樹、歷史建築的訴求。至於重置高球場的問題，她就稱粉嶺高球場的地契於2020年到底，「完咗咪完咗囉。」她亦說，香港哥球會在深水灣有另一個高球場，所以政府收回粉嶺場地，亦不代表抹殺球會，「如果佢哋真係要起返高球場，籌錢都唔係好難，商界實在太有錢。」