乘搭港鐵時人有三急,但站內沒有公眾廁所,向職員借用廁所卻被拒絕?有乘客於網上發相發文,指他到港鐵石硤尾站客服中心問職員借廁所小便,惟職員多番稱「沒有洗手間」,樓主遂使出1招,終於令職員就範,「幫手call人帶我去(洗手間)」。
根據港鐵網站資料,石硤尾站付費區域內沒有設置公眾廁所,相信樓主所借用的是港鐵車站職員廁所。
事件引起網民熱議,有人批評港鐵職員做法,「有冇諗過人哋急起上嚟真係好慘?呢啲咁嘅職員一啲同理心都冇」;不過亦有網民認為,職員廁所並非公眾廁所,未必外借,「如果個個都借,職員咪好唔得閒」。另有有不少網民分享向港鐵職員借廁所經歷。
港鐵回應《香港01》查詢時表示,石硤尾站沒有公共洗手間,然而,乘客如有需要可聯絡車站職員,職員會在可行的情況下,盡量提供協助。在這事件中,職員亦安排了乘客使用車站的員工洗手間。港鐵強調會不時提醒所有同事留意與乘客的溝通。
有乘客於網上發相發文,指他到港鐵石硤尾站客服中心問職員借廁所小便,惟職員多番稱「沒有洗手間」。(網上圖片) 乘客人有三急 向港鐵職員借廁所被拒
港鐵標榜用心服務乘客,「心繫生活每一程」,但近日有乘客於網上發相發文,大呻向港鐵職員借廁所不快經歷。樓主表示,乘搭港鐵時「人有三急」,到石硤尾客務中心問職員借廁所小便,卻被職員拒絕,「借個toilet小個便都唔得?(職員)第一句:唔好意思,我哋呢度無洗手間」。
乘客出1招終可去洗手間
樓主指「其他站都可以借喔」,職員只重複「唔好意思,我哋呢度無洗手間」。樓主感到不滿,致電車站電話,對方才終於願意借出廁所,「我就打去車站電話,之後佢先幫手call人帶我去,有無搞錯?」。他又批評該職員做法有問題,「石硤尾港鐵職員咁樣做嘢㗎咩?好明顯呢位職員好有問題?」。
港鐵車站列明,乘客如需使用洗手間,可按對講機掣聯絡職員。(網上圖片) 網民熱議港鐵是否需借出職員廁所
網民看過帖文議論紛紛,有人批評港鐵職員做法,「有冇諗過人哋急起上嚟真係好慘?呢啲咁嘅職員一啲同理心都冇」、「地鐵的宣傳口號最浮誇,說什麼同理心和共融。急到『爆』都說不借」、「個個站都有廁所,只是佢哋借唔借而已」、「以前我喺港鐵做過PA,上堂講過如果有乘客/途人人有三急,係可以搵人陪佢去廁所再出返閘的!好明顯係個CS怕麻煩唔做囉!」。
也有網民認為,職員廁所並非公眾廁所,未必外借,「過多一個站去到太子都有廁所啦!一定要借人哋個職員廁所嘅咩!」、「石硤尾站外1分鐘就有公廁,唔想出閘,1個站去九龍塘或者太子站內都有廁所」、「借係人情唔借係道理」、「知唔知點解唔借?因為啲人成日搞到個廁所污糟邋遢,又唔沖廁,我做過地鐵站店舖啲職員同我咃講」。
網民分享港鐵站內借廁所經歷
另有不少網民分享向港鐵職員借廁所經歷,「有1次冇預兆哋嚟M搞到條裙都係,行去問個女職員同佢講,佢都唔肯借,超尷尬」、「我都係較多屎尿嘅人,其他站,我都有借過,而有1次咁啱石硤尾站想借,佢哋話無得借,咁咪算囉。立即出閘搵個廁所」、「好多年前試過喺CWB(銅鑼灣)站攪肚痛,十分感激當時港鐵職員借員工廁所畀我用」、「其實都好睇那個人係咩態度去借嘅」。
《香港01》記者於2017年曾就港鐵車站借用洗手間的問題作出報道,當時港鐵發言人回應強調,站內設有職員洗手間,所有乘客欲使用職員洗手間都需要由職員安排及陪同前往。
相關報道:【人有三急】港鐵車站有神秘廁所? 發言人:需由職員陪同l