【DQ風波】游蕙禎梁頌恆對裁決感失望　籲被DQ四議員撐住頂住

四名立法會議員梁國雄、劉小麗、姚松炎及羅冠聰的宣誓覆核案，今午（14日）將有結果，青年新政梁頌恆和游蕙禎，剛好又因涉嫌衝立法會案在九龍城法院應訊，梁游在庭外表示，在這事上，「我地或全部嘅香港人都係應該去幫手。」

梁頌恆說：「任何情況下，人民嘅選擇權係唔應該被呢一個無人民授權嘅政府所剝奪，呢一點係好清楚、好清晰，不論大家係認唔認同4位議員嘅理念或者行為。」

青年新政游蕙禎則說：「對於我哋來講，希望無論是我哋兩個又好，四位議員都好，都能夠捍衛住一個代議嘅身分，因為呢一個係香港賦予俾我哋。」

梁頌恆稱希望他的終極上訴能幫這四名議員

梁頌恆表示，對4位議員被撤銷資格的裁決感失望，希望自己在終審法案的宣誓案上訴，能夠幫到自己及今日被撤銷資格的4位議員取回公道，目前與法律團隊已準備就緒。被問到會否認為自己是開壞先例時，梁頌恆表示，看過該案的判決摘要，不認同到當中使用到人大釋法後的原則及字眼，又強調，不認同所需語氣及行為會影響宣誓的合法性。

梁頌恆：希望四位撐住頂住

被問到會否與相關議員採取行動時，梁頌恆指，暫時未聯絡4名議員，但稍後會聯絡他們再作下一步打算。被問到有無說話想跟現在與他下場一樣的4人講時，他良久後表示，「有句說話係咁樣嘅，強權可能一刻會壓倒真理，但強權永遠代替不到真理，呢點我一直都相信，我亦都明白，呢個係一個困難嘅時刻，希望4位撐住、頂住。」

游蕙禎：再議員因宣誓被褫奪資格好離譜

游蕙禎說：「無一個民選代表議會係應該被一個無人民授權嘅政府咁樣去撤銷議員資格，呢個係我由始至終嘅立場。」她重申，「總之一個人係被民選出嚟嘅，就有權利去代表佢嘅人民去議事。」她表示，現時急於去開會商議自己牽涉的宣誓上訴案，形容今次再有議員因宣誓問題被褫奪，是「好離譜」及是「對民主選舉最大嘅侮辱。」