點亮全港屋苑傳承抗爭經驗　「太和的後裔」：不要怕打爛仔交

「太和的後裔」威震四方，靠居民自救成功抗天價工程，將2700萬維修費減至70萬。新法團上任，發現上手留下「蘇州屎」一堆，先發現真正透明公開的管理並不簡單，新法團點解決？另一邊廂，能量爆棚的「太和的後裔」繼續關注圍標，四出點亮屋苑，幫助同為圍標所害的苦主。
攝影：李澤彤、江智騫、余俊亮
影像協作：曾梓洋

就像一個細胞增生、分裂再組合的過程： 在富亨邨成功打倒舊法團的何偉霖，隻身走到爆出天價工程的太和邨仗義相助；到太和邨取得成功後，太和的後裔又再組合起來，跟全港不同受法團問題困擾的屋苑會面，一起商討謀略，把抗法團的成功經驗傳承下去。 他們現自稱「太和邨法團監察組」，一班愛搞事、一聚集就在講笑叫囂的後生仔，既不是區議員，也不是業主立案法團。「我哋行緊一條冇人行緊嘅路。」太和的後裔關注組Cherry Au說，雖然愛大笑，但認真時好認真。「最緊要係，希望我哋幫完人，佢哋都會繼續幫其他屋苑。我哋得6個人，但每個人返去再幫其他人，人就會愈來愈多。」 Cherry 說。

關注組團結才是成敗關鍵

太和的後裔跟麗晶花園關注組的會面約在早上9點。太和的後裔都是習慣晚睡晚起的年輕人，抹着惺忪的眼睛，聽來自麗晶花園的阿恆講述其情況 —— 麗晶花園前業委會主席兼前區議員潘進源，因僭建其在麗晶花園的辦公室而被政府追數57萬，他竟以業委會基金付費、變相由業主埋單。「之後我哋街坊派咗9個人去選業委會，但只得7個人選到。業委會一共有23個人，所以我哋都改變唔到啲咩。 」阿恆說。

然後大家紛紛參與議論，把嗓門扯高、激動處甚至飛出幾句粗口：「要搵多啲師奶參與，（指着麗晶花園的一個中年女士）妳去搵多兩個阿叔，咁咪得囉！」 Cherry說完，哄堂大笑。「你話個法團唔公開，唔透明，冇人會理㗎。你最緊要講錢，講而家蝕咗幾多幾多錢，業主先會緊張。」何偉霖道。氣氛炒熱了，太和的後裔的澎拜能量也感染了麗晶花園的關注組，以至對方也爆了幾句粗。「你哋得嘅！只有團結嘅關注組先會爆粗！ 」 Cherry在會面結束時，肯定的說。

團結，的確是抗法團關注組的勝敗關鍵。太和的後裔自9月起為不同抗圍標或關注組「診症」。「有屋苑出現多個關注組，分做A、B、C隊。大佬，你哋自己都唔團結，鬼打鬼，叫街坊點信你呀！」太和的後裔成員Kenbi說。亦有屋苑關注組又要威又要戴頭盔，說自己邨沒有後生參與，又怕拋頭露面，竟叫太和的後裔幫忙派傳單。「如果唔係由居民自己出嚟搞，就變咗其他嘢㗎啦。」 Kenbi說。

條例無罰則　縱容法團主席「打橫嚟」

是故太和的後裔亦經常奉勸其他屋苑關注組，盡量不要由議員牽頭。「好多搞反圍標的議員第一時間就叫你開業主大會，開記招。你要諗下，係咪真係咁有效？定係其實係為個議員增加知名度？」 Cherry說。而且，若關注組跟議員捆綁在一起，居民或會質疑這班人是為屋苑，還是為選票？

太和的後裔都說，以上情況未算太壞，仍有希望；但某屋苑簡直是「冇得救」，因該法團主席完完全全是打橫嚟，不怕死。「果個屋苑出現假嘅授權書，報咗警、報咗ICAC，都冇用，佢可以繼續做法團，通過佢嘅動議。你出2,000人投票換法團都冇用，因為佢會出3,000張假嘅授權票。」 Cherry說。為何法團可以這樣霸道無理，如出入無人之境？眾人愈講愈氣，你一句我一句地道：「因為344建築物條例（管理業主立案法團的法例）冇罰則！法團可以在其他法例不牴觸之下，不理法團規章有冇效，夾硬出矛招。你唔服，可以去土地審裁處告佢，但你用自己錢打官司，佢就可以用業主嘅錢同你打官司。 就算佢輸都係輸你嘅錢。而且打場官司嘅時間係斷年計，法團有乜要過，就過咗……佢可做得咁無恥，可想而知背後牽涉嘅利益係幾咁大。」

太和的後裔對抗舊法團時，也曾經遭受到荒謬的對待。當時太和的後裔收集了過千居民的簽名，要求法團召開業主大會，但結果法團回應指律師認為簽名無效，拒絕召開大會。「連可唔可以彈劾主席，都由主席本人決定。」何偉霖無奈的說：「喺政府唔去修例嘅情況下，居民自救係唯一嘅方法。」

用「蛇齋餅糉」 教導居民關心屋苑

現在太和的後裔口中的條條道理可不是便宜話。這都是他們從長經3個多月的反對太和邨天價工程行動中，一點一點領會的。起初一班年輕人先從網上結識、再跳出虛擬平台擺街站，收集簽名、遊說街坊，才造就了9月18日2,000個街坊塞爆會堂投票趕走舊法團的奇蹟。

起初年輕人擺街站、發動網絡攻勢，推動不了邨內的中老齡人口。結果，由現任法團主席任肖雲小姐拿出厚厚的電話簿，逐個逐個打給認識多年的老街坊；任小姐又走到大家樂、大快活等「師奶打躉」的地方散布消息，才讓一班老邨民關注天價工程事件。

「蛇齋餅糉嘅事，雖然我哋不齒，但只要目的係啱嘅，係教居民要關心自己條邨，我哋都會做，好似打爛仔交咁。」 Cherry說。眾人笑說，有次請街坊食乳豬，消息傳開後半小時前便有過百村民在門口排隊，還自備膠盒準備取走，有人連盒裝紙巾也想拿走。太和的後裔成員亦有被抹黑、淋紅油、甚至是被打。「成員被打之後，我哋拍晒片放晒上網，就令到大家都好關注。邨裏面捉棋班阿伯，本身話唔投票，但被打事件發生後就有出嚟。 好多香港人都會信，你做咩都好，總之打人就唔啱！」 Cherry說。

堅持不收授權票　「居民自己企出嚟 先係贏」

太和的後裔傳授其他屋苑的其中一個小秘訣是，關注組一定要民主，要訂出一套制度。「我哋通過議案一定要投票，要訂明起碼有幾多人贊成先過到。一啲小事好似喺Facebook度宣布啲嘢，都要起碼3個人通過先成事。」 Kenbi說。

但太和的後裔也不是沒有爭拗糾纏的時候。當時，邨內建制派議員主動想幫助太和的後裔，其中一名組員堅決拒絕。「但我哋覺得接受得泛民幫，都要接受建制啊！ 同埋我哋要分得開，我哋係自己一個關注組，獨立運作，區議員會幫忙，但係只係友好合作伙伴。」 Cherry說。

「團長」何偉霖亦曾質疑太和的後裔的做法——不上樓收授權票，要求居民一個個企出來投票。但Cherry說：「點先係贏？唔係選舉贏，而係每個居民都企出嚟呀！」團長聳聳肩：「咁你講到咁崇高，冇計啦。」 Cherry笑說：「其實仲有其他原因嘅，嗰時有個舊法團委員拎住幾百張授權票投奔我哋，我哋唔想參佢玩，於是唔收授權票。對唔住，呃咗你。」

太和的後裔老友鬼鬼，一見面就在玩鬧、爆粗，但在聆聽麗晶花園的苦況時，還是滿臉認真的在抄寫筆記。一班某一輩眼中的「廢青」，最近還報讀物業管理課程進修去，進一步成為反圍標反法團濫權的專家；踏上反圍標之路，亦即截人水路，對抗可獲利上億、滲透無孔不入的龐大圍標集團。「冇得驚，都已經出咗嚟。」Cherry說。「或者可以話，公屋嘅人窮，但熱血，冇嘢驚。」或者他們卑微的寄望，就是下一個屋苑成功後，會繼續把屬於民間的力量口耳相傳下去，讓太和的後裔繼續生出下一代的後裔。

太和的後裔小貼士：如何組織居民、對抗惡霸法團？

1 發掘屋苑「師奶」資源

師奶、阿叔有無限時間，而且人脈廣闊，靠他們拉攏中老年街坊，傳遞反抗法團信息。

2 善用廣場、噴泉、平台

有空間，成功就有可能。在川流不息的屋苑公共空間辦居民大會，或大食會，連繫居民，留下聯絡方式。

3 不要怕打「爛仔架」

對方有謀略，我們也要有。對方出蛇齋餅糉，你也可出。何偉霖就分享當時推出強制驗窗計劃，他就找來一間收費相對廉宜的驗窗公司幫居民驗窗，乘機宣揚自己理念及獲得居民聯絡方式。

4 八面玲瓏

首先要跟警民關係科社區聯絡主任混熟，若警員阻撓行動，可直接聯絡社區聯絡主任幫忙。另外，亦應留意法團跟管理公司的關係、保安與清潔之間的關係等，若不和，可從中加以利用。

你想看更多精彩的深度文章嗎？請購買今期《香港01》周報，或點擊此處：成為我們的訂戶。