謝安琪40歲生日破禁開Party　張繼聰FB放閃：I love u

腹大便便的謝安琪（Kay）預產期是本月底，上月老公張繼聰受訪時更表示不准太太出街，之不過今日（3月13日）40歲生日的Kay似乎獲得一次特赦，昨晚更歡天喜地出席舊助手雲妮為她舉行的生日會。

Kay在Facebook曬出多張相片，多謝雲妮為她準備這個「大聲講大聲笑慶生會仔」，她表示：「我真係好愛呢班女人，有一班可以乜嘢都傾嘅好朋友，真係好幸福，我今年生日真係好開心呀，love you all so much！」

唔知係咪大肚婆特別煽情，Kay感慨說見到好友們都想起過去在工作上遇到的壓力：「就係因為有呢一班朋友，同我並肩作戰，我先至可以笑着繼續向前行。有時同佢哋傾完喊完瞓醒又一條好漢，有時圍威喂大吃大喝一餐又生猛返（番）……」Kay最後老土地用小學畢業紀念冊的句子表達愛意：「萬里長城長又長，我們友誼比它長。」

生日前夕和好姊妹過，正日應該留畀老公吧？阿聰在凌晨踏入13號不久，便在Facebook放閃：「Happy birthday my Lady313, I love u.」並放上一張老婆索爆的晚裝相，唔知係咪想表達，在老公眼中老婆幾時都咁靚？