麥浚龍新歌驚現梁朝偉古天樂　謝安琪莫文蔚齊罵「人渣」

麥浚龍（Juno）計《Evil is a point of view》後，再為大家帶來暗黑情人節，在2月14日送上一首新歌《人渣》，所謂「成世流流長，總會愛上幾個人渣。」在甜蜜蜜的節日配上這首歌，諗諗下又幾貼切。

而在新歌的宣傳片中，Juno更碌盡人情牌請來影帝梁朝偉、男神古天樂及分別和Juno合作過的謝安琪、莫文蔚，整個片段都是黑白色調，四人在不同地方說同一句話：「人渣、禽獸？咪Juno囉！」，到片段的最尾，畫面一片黑色，只聽到Juno：「《人渣》、《禽獸》名嚟嘅啫，係咪咁講呀？」似乎除了《人渣》之外，之後還會有一首《禽獸》，都是比較暗黑系歌名。