許冠傑譚詠麟8月再開紅館騷：如果反應熱烈我哋幾多場都加

「歌神」許冠傑與「校長」譚詠麟是香港樂壇的傳奇人物，去年8月二人破天荒首度合作，舉行了一連12場《阿Sam & 阿Tam Happy Together》演唱會，相信有入場的樂迷都對他們的體力為之讚嘆。歌神與校長去年一完騷就覺得「唔夠喉」，揚言要開Part 2。今日(17日)開記者會，落實8月再開紅館騷，名為《阿Sam & 阿Tam Happy Together Part II金曲速遞》。

歌神與校長一身速遞員服裝出席記者會，並唱出《世事如棋》、《Things We Said Today》及《朋友》，校長希望全世界有華人嘅地方，都飛會返嚟睇騷。他續說：「上次Sam哥攞出嚟嘅歌都未夠三份一，所以今次真係『金曲開倉』，唱埋淨番個三份二！」

被問到上次開騷群情洶湧，咁今次會唔會考慮加場？校長就話：「最好唔加日場，阻住阿Sam湊孫嘛！」不過歌神就話：「唔怕唔怕，最緊要好玩！如果觀眾反應熱烈，我哋幾多場都加！」