許冠傑譚詠麟自言不輸小鮮肉　「防腐」校長：我哋係午餐肉！

連特首都專程捧場的《阿SAM&阿TAM HAPPY TOGETHER演唱會》8:27正式開騷，全場爆滿。開騷時播出許冠文的片段揭開序幕，阿Sam與阿Tam一出場就在旋轉舞台上，自彈自唱形式唱出一系到英文經典作品，包括《imagine》、《The long and winding road》，跟隨其後就是一系列輕快歌曲，《最佳拍檔》、《笑看人生》及《最緊要好玩》。

唱畢便與觀眾互動，Sam先要全場大叫打油詩：「阿Sam與阿Tam friend過打band，今晚有排jam，fans脷lam lam！」阿Tam就笑言：「今晚先領略到克勤同我做騷既心態，同偶像合作，半個世紀呀」，又謂：「我25歲，你最多28歲！」Sam就回應：「係最好喇！ 」

阿Tam又話，粉絲發現兩人有4個共通點，「廣東歌夠多，7日都唱唔晒」、「粉絲夠熱情」、「打Band出身」及「屋村出身」，不過阿Sam就補多個共通點，就係大家都係「美男子」，阿Tam就反應極快咁話：「依家好多小鮮肉，唔襟擺，我哋係午餐肉！幾時都食得，有防腐劑！」全場馬上以掌聲回應。

其後又提到特首林鄭，阿Sam指林鄭最受就是《沉默是金》，於是將歌曲送給特首林鄭，由校長唱出張國榮的演唱部分。