胡琳《自遊》MV遠赴冰島取景　新歌唔唱Jazz一樣靚聲

有「靚聲天后」之稱的歌手胡琳（Bianca）最近忙於準備5月的舉行「Shining Moment」BIANCA胡琳演唱會2018。除此之外，最近又推出新專輯的第二主打歌《自遊》，MV於日前正式網上發佈。今次為了把MV拍出唯美之感，Bianca特意到冰島取景。在這遍白雪極地配上《自遊》的旋律的確有另一番味道。

為了今次的MV Bianca可以說是「有血有淚」，除了在冰島時遇上車禍外，在拍攝MV時為了要保持靚靚的造型，禦寒衣物也穿得不多，結果她在回程時發現凍傷臉部，鼻以下的皮膚都被凍至紫黑色。雖然在今趟要為藝術而犧牲，但Bianca表示只要能拍出效果一切都值得。

「拍MV冇可能遮臉，況且我個心只想着歌詞內容去表達情感，冇意識到拍咗幾耐，冇要求暫停暖下身，所以凍傷咗都唔知。(幾時先發現？)回港前塊面開始僵硬，鼻以下嘅地方慢慢變成紫黑色，返到嚟即刻去睇醫生先知出事，見到自己變成『污嘴狗』咁樣，我都驚驚地，所以走去揾美容師急救，我一除低口罩，佢嚇到『O嘴』，問我發生咩事？我掦起頭畀佢睇想慢慢講出嚟個陣，佢竟然話：『妳唔好喊啦！』以為我受暴力對待，搞到我都忍唔住笑咗。」Bianca憶述。