劉德華個唱開鑼狀態大勇　見後生女粉絲 ：我60幾歲唔好咁勾引我

劉德華一連20場《今天…is the Day 劉德華巡迴演唱會2024/2025 - 香港站》今晚（17日）假紅磡體育館館開鑼。開場前，有內地粉絲狂叫：「劉德華，我愛你！」亦有女粉絲帶上白色頭紗入場。而周吉佩、陳慧琳、曾華倩，梁詠琪等亦有現身支持。

演唱會約在8時15分開始，白布幕落下後，身穿灰色西裝的劉德華置身離地約三層高的小舞台，他問大家：「有冇掛住我？我終於返嚟啦！」並隨即唱出《今天》、《沒人可以像你》、《笨小孩》、《謝謝你的愛》。華仔之後脫下西裝外裝，對台下觀眾表示：「我60幾歲，唔好咁勾引我。我見到好多後生女，係咪你媽媽鍾意我？唔好一陣我埋嚟又話唔識我。」劉德華之後又問大家食咗飯未，還笑自己秀色可餐。