MC張天賦大感冒靜養中 最大願望以後放的都不是病假

MC(張天賦)出道以來，事業一直扶搖直上，忙碌的工作，讓他很多時也沒有假期，最近化身信用卡紅日假期主持，向大家預報2025年嘅全部紅日假期，教大家假期消費如何精明賺著數。第一次做假期主持，MC坦言都幾好玩，「其實我好喜歡同聲音有關工作，無論唱歌啦， 做DJ、主持、報導員，都鐘意做，用唔同語氣表達講述一件事，係幾好玩㗎。但係做紅日預報主持，自己就冇假期啦。依家我重係併搏期，暫時都冇假期呀。」

上星期澳門最後一場演唱會不慎被傳染到流感，最終尾場要暫停演出，延期舉行。回港幾天休息及睇醫生後，MC依然是留在家中靜養，他笑言終於有假期啦，不過係最唔鐘意的「病假」，「真係要學識好好照顧自己身體，希望歌迷朋友都係，以後每一次可以放假，我都希望自己係可以健健康康個種放假，可以開開心心去玩個種放假，我好多地方重未有時間有機會去玩過，好希望可以去滑雪呀！但當務之急係快啲好返，然後返場澳門再見大家！」

回顧2024一年，MC不單憑藉兩齣電影登上大銀幕，在樂壇亦保持一貫水準，先後奪得2024年度Spotify本地年度專輯第一、第五位，《永久損毀》和《隔牆有耳》的MV更擠身YouTube香港2024年度的十大音樂影片。除了在串流平台之外，在各大搜尋引擎的年度十大排行榜，也能找到MC的身影！《隔牆有耳》和《小心碰頭》成為Google「熱搜歌曲歌詞」頭十位；《永久損毀》則成為Yahoo!「熱搜歌曲」頭十位。

對這些成績，他直言，「結果永遠對我嚟講係後話，音樂上我只有一個目的，就係樂迷聽得開心，自己又做到自己想做嘅嘢，我已經好滿足。24年我音樂上產量唔算高，因為做咗好多其他新嘗試，化身紅日假期先生啦，又拍咗兩部電影，同丹哥(甄子丹)合作最難忘，第一次接觸動作電影，真係學咗好多嘢同好開心，我覺得係自己星途上面一個大突破！未來我希望可以有更加多新嘗試囉！」