一個Show滿足你四個願望　港日台韓搖滾勁旅嗌爆九展

幾時都話聽Band Sound最緊要睇Live，試想像企喺串喇叭面前俾啲低音「打心口」，兜口兜面感受台上樂手嘅火花，約埋志同道合嘅朋友一齊跳一齊唱，以上種種畫面CD又點會俾到你呢？

你可能會話會香港依家演出場地又少，就算有Show都可能得獨頭一、兩隊Band。機會嚟喇飛雲！3月16日《1FAR EAST UNION VOL.3 IN HONG KONG》一次過滿足你幾個願望！一個Show雲集港、台、日、韓四地的搖滾勁旅：Supper Moment、滅火器、MONOEYES及The Solutions，樂迷們係時候儲定彈藥同體力當晚玩盡佢。

香港代表——Supper Moment

有留意本地band scene的讀者都不會對Supper Moment陌生，《最後晚餐》、《P.S. I Love You》、《無盡》、《幸福之歌》、《風箏》、《大丈夫》等等作品一向予人柔情、Pop的感覺，其實Supper Moment風格非常多變。重型如新歌《不要死在祟拜裡》、《機械人》、《一樣不一樣》，跳脫如《煩擾中起舞》、《有你有我》，以及加入電子元素的《說再見了吧》、《靈感床》，一樣能夠駕馭。加上Supper Moment早前透露過，新專輯將會製作一個主打「現場感」的歌單，新歌亦陸續推出，樂迷們要把握機會，感受Supper Moment將一字一句打進你心坎的演出。

台灣代表——滅火器 Fire Ex.
滅火器來自台灣高雄的四人樂隊成軍近十多年，有聽開Band的樂迷都會有印象，雖然滅火器的作品主打台語，但激昂的節奏與旋律同樣能感動樂迷，引證音樂能打破語言界限。

滅火器作品眾多，較為人熟悉的應該是《島嶼天光》，因為這是2014年太陽花學運的重要歌曲之一，當時滅火器更無償提供版權給支持太陽花學運的民眾非商業行為使用。到2016年，台灣總統蔡英文就職典禮上，滅火器亦有作現場演出。

日本代表——MONOEYES

由日本知名搖滾歌手細美武士領軍的新樂隊MONOEYS首度來港，有留意開的樂迷都明白細美武士創作力有多驚人。細美武士以往組成過ELLEGARDEN及the HIATUS，而ELLEGARDEN對當今日本天團ONE OK ROCK影響深遠，主音Taka話過是ELLEGARDEN讓他見識到一隊樂隊在台上應有的姿態。MONOEYES主打Punk風格，除了澎湃的節奏「一味衝」的感覺外，他們歌曲的旋律性亦非常重，不會予人只得破音結他和鼓聲蓋過一切的感覺；加上細美武士在台上的魅力，每次玩Live都能炒熱全場。

韓國代表——The Solutions

韓國獨立音樂大廠Happy Robot Records旗下的樂The Solutions，歌曲以全英文創作，香港樂迷就毋需擔心聽唔明韓文。The Solutions曲風多變，有別於大家傳統印識的Band Sound，有電子、有Brit Pop、Dance等等元素，雖然樣樣有啲，但每首歌曲風格鮮明，亦相對易入口，應該可以幫助大家「擴闊耳界」。