陳奕迅演唱會不停吹　忽然好感慨：幾分鐘講晒我哋一生想講嘅嘢

陳奕迅《Eason says C'mon in~Tour》音樂會香港站於昨晚假旺角麥花臣場館舉行頭場，Eason非常投入，而且聲線狀態穩定交足水準，又大放笑彈，最後Encore更唱出《與我常在》，整個演出可謂驚喜連連。

Eason在音樂會上唱出廣東歌已經令樂迷為之瘋狂，除了Jazz版《超人的主題曲》外，還有其他side track作品，又將《人生馬拉松》送給太太徐濠縈，連觀眾都感受到那份甜，然怪後話唱唱下有啲感受想講：「音樂幾好呢，幾分鐘就講晒我哋一生想講嘅嘢，幾好呢！」
Eason又講到《太陽照常升起》這些歌曲較少唱：「有啲歌少唱吖嘛，我隨時都可以唱隻《K歌之王》都得㗎！嘩！一跳跳到咁舊嘅，唱《無條件》都得嘅！哈哈！」

攝影：黃浩晉

Eason發揮吹臣搞笑本色，令演出變成音樂加棟篤笑一樣，Eason話：「人越大就越多嘢講，不過都係唔做咁多訪問喇，一陣又試俾人話喇！都唔講得笑嘅啲人！都冇啲幽默感！稍為有啲涵養嘅都唔會寫嘢啦！」

Eason又扮暴龍取笑不敢放鬆心情跳舞的觀眾，同時分飾兩角，一邊盡情放縱跳舞，另一邊則拘束不敢大動作，單單一個表情足以篤中大家笑穴，全場一片大笑聲。Eason放完笑彈話：「We tend to think too much！使鬼理佢咩！」之後又扮「照妖鏡」反白眼表情多多，又話自己新髮型似錢嘉樂，令全場笑聲一浪接一浪。

Eason又提到自己都只得20張門票，又打趣叫能買兩場門票的觀眾介紹一些南亞裔朋友來認識。搞笑過後，Eason認真唱出新專輯餘下的歌曲，以《披風》及Encore時唱出《與我常在》為演唱會劃上完美的句號。

在後台接受訪問時，Eason對個唱票價被黃牛炒至天價表示束手無策，無論怎樣加場也不能杜絕問題。另外被問到《中國新歌聲》的黑幕問題，Eason表示自己只提及節目組叫自己按掣，又話：「TVB都用㗎啦，其實佢都鼓勵你啫，冇咩嘢嘅。」