張彥博劉佩玥四手聯彈定「亂彈」？ 　踩上翟威廉屋企唱成晚

今年36歲的張彥博自從去年於TVB劇集《一屋老友記》演廢青「細寶」彈起後，除了令觀眾多加留意他的演出外，亦認識到阿博音樂人的身份。阿博近排經常於facebook開live與fans打招呼兼唱下歌。

昨晚阿博拍住劉佩玥、「木偶哥」林師傑、歐陽巧瑩、莊思敏等人踩上翟威廉家中開live，歐陽更穿上「經典」牛仔工人褲兼好識做舉起BigBigChannel紙牌，而且不斷叫觀眾到YouTube搵翟威廉唱《Q太郎》的片段。

有阿博、劉佩玥、木偶哥坐陣，自彈自唱點少得？一口氣唱出《情深說話未曾講》、《失樂園》、《苦口良藥》、《你心裡有沒有我》、《十分．愛》等金曲，阿Moon同阿博仲久不久「四手聯彈」！

不過看得出眾人是即興Jam歌，因為偶有「甩碌」，不過氣氛非常好，網民都踴躍留言，又希望阿Moon同阿博唱多幾首合唱歌。