【專訪】夏韶聲見盡樂壇百態：以為前輩就一定係勁？有啲得個虛名

有「搖滾之父」稱號的夏韶聲由60年代於歌廳當樂手出身，初出茅廬時更試過被領班摑到流鼻血，可見要捱出頭的確要先「吃苦」。

雖說要吃苦，但樂手不受尊重的問題時至今日仍然存在，夏韶聲亦慨嘆：「你出咗名就一件事啦，但係未嘅話，好多人嘅眼光都係當你嘍囉咁！」

幸而夏韶聲於70年開始出唱片成名，夠「牙力」替人出頭，至今仍會提攜Band界後輩，不過有時亦覺一人之力實在有限：「如果話我幫啲後生仔，其實我啲力太細，我都係一個人。就算你叫我咩鬼嘢『搖滾之父』又好，呢啲都只係一個虛名。」

「邊一個玩音樂唔希望可以搵到啖食？」

在香港夾Band、當樂手經常被忽視，因為大部份觀眾都只注視眼前的歌手，但其實當樂手也要生活，除了不受尊重，Underpay的問題亦很普遍。

夏韶聲表示：「我哋都係捱過咁樣嘅階段，邊一個玩音樂唔希望可以搵到啖食？我哋拎得起一個樂器，想做一個職業嘅樂手，都希望你可以畀番啲錢嚟養番我，我先可以繼續玩落去同養啲家人㗎嘛。」

遇到樂手被壓搾，夏韶聲都會抱不平：「有次一個喺香港好有名嘅人，佢話『我係老前輩，你哋就要畀面我，我叫你哋嚟呢度就唔好收錢，但係我會畀着數你哋』。」

一句「我係前輩」、「有着數」就大晒？夏韶聲看不過眼：「得！我畀面你！因為你係我前輩，但係我後面嗰班人(樂手)要收你錢！」他續說：「如果你今日接咗部電影，你可唔可以拍膊頭拍到，演員、燈光、服裝、場記全部唔收錢吖？唔得吖嘛！你可以唔收導演費，但係全部都要畀，如果唔係我唔嚟！」

最令夏韶聲看不過眼就是大家吃過苦捱出頭，如今卻要新人承受過往的苦頭，整個行業沒有進步：「你都係Band仔出身㗎嘛！點解你可以做得到呢樣嘢！你唔能夠用『老前輩』去壓人，你有冇見過我用『老前輩』去壓佢哋！」

他又提到：「通常人就係咁㗎喇，如果做到咁上下，以為自己喺呢個圈子耐，人面多就恰人哋，就一件事啦，例如果個人應得100蚊你就食佢水，畀得20蚊，人在做天在看。」

「唔好以為叫『前輩』就一定係好叻，有啲係得個虛名」

保持謙虛，抱有不斷進步學習的心態才可以繼續進步，夏韶聲亦認同：「我嘅資歷就好耐㗎喇，但係我係每一年嘅新人嚟，用咁樣自己呃己嘅態度仲好。唔好以為叫『前輩』，就一定係好叻、好勁，未必係嘅；有啲係得個虛名㗎o添，我唔想做呢樣嘢！」

夏韶聲又講到音樂就是如此奇妙，有時更要向年輕樂手取經，互相啟發令到「條命都長啲」。雖說一人之力有限，但夏韶聲亦盡力為樂手們爭取理想的「騷價」：「因為我試過人哋唔肯俾錢，以為你喺band仔我就畀少啲你；但你玩音樂我叫得你嚟，我就畀番你應該有嘅錢。」

「人在做，天在看」一句夏韶聲經常掛在嘴邊，認為我們人類的一舉一動也被觀察，甚至會有「報應」，但「報應」從何而來？是來自地球以外的「佢哋」，而「佢哋」正正與新專輯《2020 Arrival》的主題有莫大關係。想知夏韶聲點睇「佢哋」請留意下一篇報道。